Shan ram thlanglei ummi Peng 21 fonh in SSPDF dirh a si Shan ram thlanglei peng 21 ah ‘spring revolution’ cawlcanghnak a tuah mi hna fonh in August 28 ah Southern Shan People Defence Force (SSPDF) fonh a si tiah SSPDF nih a thanh.
Ralhrangbu nih mipi nih sualnak a ngei lo mi le kan bochan mi le kan upat mi ngandamnak riantuan, siangcachimtu hna, sualnak a ngei lo mi siangngakchia hna, biaknak lei hruaitu hna cu an nawlngeihnak a fek khawhnak ding pakhat lawng ruah in an tlaih, an hrem, an thah hna. Cu ruangah mipi nunnak, ngeihchiah kilven dingin kan dirh mi a si i, NUG, CRPH, Gen. Z, tlangcung hriamtlaibu le hmundang LDF, PDF le mipi he kutsih in ralhrangbu kan doh ti hna lai.
SSPDF cu pumpak, party pakhat ruahnak si loin hriamnam bochan in uknak a la tu le mipi a hremtu ralhrangbu doh ding kan si bantukin mipi nawlngeihnak mipi sin a phanh than khawhnak dingin mipi vialte kan in sawm hna tiah an langhter.crd-the chin post.
Ca dang relchap; Bingladest ah tilawng pahnak a chuak,minung 19 nak tlawmlo an nunnak a liam,minung tampi an tlau Bingladish ram ninga ni ah khualtlawng minung tampi phormi tilawng nih thilphor tilawng pakhat a pah sual caah minung 28 nak tlawmlo an nunnak a liam, minung tampi an tlau tiah theih a si.
Atu tiang ahcun miruak 19 kan char cang” tiah cu thil a chuah nak hmun nichuahlei ram Baramanbariyapengkomh palik bawi Annisa Raman nih a chim.A thi mi hna chungin nu 9 le ngakchia 2 an i tel. A tlau mi hna zong mibawmchan tu phu hna nih kawl cuahmah an si tiah a chim chap.
A tlau mi hna hi minung zeizah an si fiangten theih a si rih lo tiah palik bawi hna nih an chim.Khualtlawng mi hna nih an chim ning ah cuka an i cit mi tilawng chungah minung 50 leng tel a si, cheukhat cu tiva kam ah a chuak kho mi an um cang tiah pengkomh khuabawi Hayat Oodi nih a chim.
A luancia mi May thla chungah Padma rili ah minung tamtuk a phor mi tilawng pakhat cu thatsee phormi tilawng pakhat he a pah caah tichung ah pil in minung 26 an nunnak a liam. crd-the chin post.
Leave a Reply