By-Daniel Sakhong: US ralkap ah ttuan lio/cang mi kan chin mino 40 leng kan Chinram ah rat in CDF lut ve ding ah ready an si. Pa 2 cu an raa cang nain, nan pawng te ah khan lockdown ah an tang. Kan Chinram I kan mipi nan pawng ah kan um zungzal ko.
Thawng pang dang relchap; Dawtnak Hmual, (CDF-Mindat chungtel pakhat nih a tak in a tonmi), A tanglei ca hi rel tikah lungthin a hno, mitthli a hai. Zeitlukindah dawtnak hmual hi a thawn ti zong a langhter. CDF-Mindat chungtel pakhat nih a tak in a tonmi a si. Amah tialning tein ka vun leh.
Ralhrang hna sinin an zam tiah ruahmi ralkap cheukhat kan tlaih hna hi thla khat hrawng a si cang. Kan vua hna lo i hri zongin kan khit fawn hna lo. Zalong tein kan umter hna pinah ti le rawl tha tein kan pek hna.
Asinine cawngtu cu kan chiah ve hna. Kuak le khawngzi zong kan si khawh tawk in kan damh piak hna. Cuticun kan sin an phak in zarhnak hrawngah Chi Chawng i CDF pawl cu Kanpetlet lei i raldoh kan kalnak ah ralhmai hmun thum in karceh kan tong i hnu kan tolh.
Cutikah khuami dihlak, tar in ngakchia tiang ralhrang hna tih ruangah an zam dih. Kan sinah a ummi ralhrang in a zammi hna zong cu kenzawi awk an that ti lo caah kan ngeihchun tangka chuah in minung pakhat ah 50000 cio kan pek hna i kan kalter hna. An mithmai cu a nuam lo ngai ti a lang.
Cuticun hnu kan tolh i khua pakhat pawng i hmunhma kan lak lioah kan kaltermi hna kha kan hmuh than hna. Ngakchia a puami an um, thiltom a pumi an um, meithal aa putmi an um, anmah nih cun khuami a zammi hna kha lam an hruai hna. Kan khuaruah a har tuk. Nan tlung rih lo maw tiah ka hal hna i “Ti le rawl an kan petu khua cu mahti men in kan kaltak kho hna lo, a himnak hmun an phak tikah kan tlung te lai” tiah an ka leh.
Cu bia ka theih tikah ka ngakchia lio i ka zoh balmi Vietnam ral muicawl (movie) pakhat ka lungah a hung chuak. Lemcang (Minta) cu Arnold a si rua ka ti. Vietnam lei a doh cuahmahmi US Marine ralkap pakhat nih amah a chanhtu Vietnam khua pakhat a chanh thannak muicawl a si. Dawtnak cu a kir than timi hi ka zumh. A hnu ah anmah theihternak ka rak tuah te lai. An kut chungah an meithal taktak kha tlaihter thannak caan a hla ti lo.Crd-the chin post.
Leave a Reply