Good News:Khaikam Khua Sang Khuabawi Dihlak Rian In An Chuak

Khaikam Khua Sang Khuabawi Dihlak Rian In An Chuak, Khaikam Khua Sang Uktu Dihlak nih Rian Chuahnak Ca an Tial, Kalay-Chin ramri, Tedim peng Khaikham khuachung sang uktu rian a ttuanmi zapi nih nihin September 14 ah rian chuahnak ca an ttial hna. Crd-The Chin Journal

Thawng dang rel chap: Dothlennak min hmangin tangka hlengtu an um lengmang caah mipi nih ralring tein tangka bawmhnak pek a herh tiah Belin PDF nih Sept 14, tuni cah cathanh a chuah. Mi cheukhat nih dothlennak tuahtubu min pakhat khat hmangin bawmh halnak an tuah nain bawmh an hal piakmi hna sinah tangka a phan lo tiah theih a si.

Bawmhchanhnak riantuantubu cheukhat hna min in bawmhnak kan in kuat hna an ti tawn i a taktak ah a phan bal lo. Karlak ah a vaivuan lengmang. Hmun cheukhat ah cun dothlennak min hmangin lih le hrokhrawl in tangka a halmi zong an um. NUG sin in a rami bawmhnak tangka zong ahonihdah a tlaih ti theih loin a vaivuan lengmang” tiah Belin Revolution Organization hruaitu pakhat nih a chim tiin Than Lwin Times nih a tial.

Kan hnulei ah mi pakhat nih Thantlang CDF min in ramdang ah bawmhhalnak a rak tuah bal cang. Nizan zongah Hakha ah CDF min hmang in phone top-up a haltu an um tiah theih a si. Cucaah mipi nih bawmhhaltu an um tikah tha tein hlathlainak tuah i a dik le diklo i fian hnu lawngah thilri siseh tangka siseh bawmhnak pek a hau.

Thawng dang: Magway Khua USDP Zung Hmai Ah Bomb A Puak I ngakchia Pakhat Thi! Magway khua USDP zung hmai ah September 14 zing suimilam 8:00 hrawng ahkhan bomb a puak i kum 5 tluk a simi ngakchia pakhat a thi i pakhat hliam a tuar tiah theih asi. Bomb puah ruang ah USDP zungkam i Kunya dawr ummi ngakchia kum 5 hrawng cu a hmun ah a thi colh i midang pakhat cu a paw le a ke hna ah hliam a tuar.

Bomb a puah tlawmpal in Magway khuachung dih lak ralhrang nih an phihkhar dih tiah khuami pakhat nih a chim. Magway – Minbo tlawnkalnak hlei in ralhrang nih lam an kham i chekhlat nak an tuah cuahmah pin ah Magway khuachung ah rakhrang mawtaw an khat, tiah Khet Thit Media nih a tial. Crd- the chin post

Leave a Comment

Leave a Reply

Your email address will not be published. Required fields are marked *