Gospel Singer Kimi Ralsun Le A Pasal Major SK Yedaf Cu An Sinum Nu A Phun Phun In Hremnak An Pek Caah Palik Nih An Tlaih Hna

Hmar Gospel Singer Kimi Ralsun Le A Pasal Major SK Yedaf Cu An Sinum Nu A Phun Phun In Hremnak An Pek Caah An Umnak Khua Palampur Ah Palik Nih An Tlaih Hna. Hmar Gospel singer Kimi Ralsun hi India ralkap army Major SK Yedaf cu pasal ah mgei in a pasal rianṭuannak khua Palampur ah Nem Daihhoi Singsit Zo-Kuki nungak tleirawl micu sinum rianṭuan dingin aa kalpi tiah theih asi. Thla zeimawzat chung cu sinum anlak mi Zo-kuki nungak tleirawl Nem Daihhoi Singsit hi,

Hmar Gospel singer Kimi Ralsun le A Pasal Major SK Yedaf nih cun daw ngaiin an zohkhenh ko. A sinain caan sau a rauh hnu thil tuahsualmi pakhat khat a ngeih cun a phun phun in hremnak anpek a caan ah an vuak, a sam an tan, tiisa an toih, a hnipuan an phoih piak dih, a thisen an chuah pinah a lei par tiangin an tanpiak cuti cun kum 2 chung bak an rak hrem tiah theih asi.

A cungah zaangfahnak zeihmanh ngeilo in an hremnak an pek hnuah September 23,2023 khan Hmar gospel singer Kimi Rasul nih an sinum Nem Daihhoi cu damlonak a ngeih ruangah Haflong Civil hospital Assam sii-inn ah India tangka Rupee 2000 chiah taak in a kaltak tiah theih asi. Hi kong he pehtlaiin, September 23,2023 khan Haflong Civil hospital Assam sii-inn pi ah chiahtaak a tongmi,

Nem Daihhoi nih an nuva in an rak tuahto ning le hremnak an rak pek ning cu a cunglei catlang pahnihnak ah kan rak langhter bantuk khan video live ah a phuan dih. India palik nih Hmar Gospel singer Kimi ralsan le a pasal India ralkap army Major SK Yedaf cu an inn ah va luhhnawh in an tlaih hna tiah theih asi.crd- Lungmili post. Thawng dang: Nagorno -Kharabad Hmunhma Datsii Dawr Puahkenhnak In Nunnak Liammi Minung 170 Tluk Ansi Cang.

September 26, khan Nagorno -Kharabad hmunhma ah a ummi Datsii dawr meikang puahkehnak in nunnak liammi nminung 170 tluk ansi cang tiah ṭuanvo ngeitu hna nih an chim. A hmaisa ahcun tualchung minung 68 lawng an thi tiah langhter an rak si. sihmanhsehlaw atu dirhmun ahcun an karh chin lengmang tiah ṭuanvo ngeitu hna nih an chim chih.

Meikang puahkehnak a chuah ning cu Azerbaijan buainak ruangah hmunhimnak i zaam aa timmi Armenian miphun hna Datsii dawr hmai an i funtom lioah a chuak mi si tiah an langhter. Meikang puahkehnak a chuah ning hi fianghlang in theihfian a si rih loh nunnak liammi ruak hna cu DNA check-hlat ansi hnu in Armenian ah kuat ansi lai tiah an langhter chih.