Hakha Ah Hmawngtlang Khuami Hri Awhnak In A Thi Mi Update

Pu Sang Tha Lian a pa Pu Bual Tum bia cah nan rel hlan ah a mah kong lam hi rel hmasa tah. December 15, zinglei suimilaam 7:00 hrawng ah Hmawngtlang khuami Pu Sang Tha Lian cu Hakha sii-inn pawng ah hri awhnak in a thi, tiah kan theih. “Amah hi nupi le fa zong a ngei mi a si.

Hakha Dawrhlun Kuattit ah khua a sa mi an si. Amah hi kum 32 a si,” tiah Health Concern Volunteer Group (HCVG) in tuanvo ngeitu Pu Cham Hrem nih The Hakha Times ah a chim. Hakha ah khuasa an si bantuk in a nulepa zong an rak phan cang. Nihin December 15 ah hin a ruak an vui lai.Crd: The Hakha Times.

Hakha ah hri awk nak in a thi mi Pu Sang Tha Lian a pa Pu Bual Tum bia cah, 15 December 2020 zing lei suimilam 7:30 hrawng ah hri awk nak in a thi mi Pu Sang Tha Lian i a pa Pu Bual Tum nih ka fa pa hi a dam lo i Sii inn ah an chiah mi a si.

Tu ban tuk in thil kan ton mi kongah hin hmun dang ka dang cio in nan kan chonh i thazang nan kan pek mi cungah kan i lawm tuk. Kan ton mi thil cungah Pathian tu nih kan veng sehlaw a ka kip in lungre a kan thei pi mi nan za ten thla cam tu in kan bawm rih ko ulaw tiah Pu Bual Tum nih CBN ah a chim.Crd: CBN

Leave a Reply

Your email address will not be published. Required fields are marked *