Hakha Baptist Church Tualleng Sianginn A Kaang I Phalh Manh Loin A Ciam Dih

Chinram, khualipi Hakha um lung Biakinn tiin hngalhmi Hakha Baptist Church(HBC) tualleng sianginn cu a kang i a ciam dih, tiah theih a si. Nihin January 12 zinglei suimilam 5:30 hrawngah HBC tualleng sianginn cu kangh hram aa thawk i suimilam 6:00 hrawng ahcun a ciam dih cang. Meithat phu hna cu a tlawm bik motor pali in an kal i inn a ciam dih lai lawng ah inn a kanghnak hmun an phan, tiah tualchung mi pakhat nih The Chin Post ah a chim.

Tualleng sianginn kangh hram aa thawk hi inn cung dot in a si. Inntang dot ahhin tualleng sianginn a hngaktu an um i a kangh le cangka sianginn hngaktu hna an thilri cu pawngkam ummi hna nih zeimawzat thiar an bawmh manh hna. A biapi mi catlap, tangka, TV le thilsuknak seh ti bantuk lawng an chuah manh, tiah a chim chap. HBC tualleng sianginn hi dot hnih a si i thinginn a si. A ṭhing pahmi a si cang i a kangh ning zong a rang ngaingai.

Zing suimilam 5:00 hnu in kangh hram aa thawk i meheh pi farual an umnak inn cu bauh manh ti loin mei nih a ciamhpi dih hna, tiah a dang tualchung mi pakhat nih a chim. Tualleng sianginn a kangh ning hi fiang inn hngalh a si lo nain inn cung dot in mei aa thawk caah electric mei a si ṭheo lai tiin pawngkam a ummi hna nih an zumh. HBC tualleng sianginn ah ca a cawngmi ngakchia tete hi a ra laimi February thla ah a graduate ding an si cang hna, tiah theih a si.

HBC tualleng sianginn cu HBC compound chung ah a ummi a si i B.E.H.S No. 3 sianginn he naihniam tein an um i ti varek pakhat nih a dan hna,crd- The Chin Post. Thawng dang relchap- Ram Mi Cung An Tuah Mi Sualnak Vialte Ngol Dih Ding In Ralbawi Min Min Tun Nih SAC Hruaitu A Nawl Hna, SAC hruaitu Senior General Min Aung Hlaing le Vice-Senior General Soe Win telh in SAC hruaitu vialte cu Myanmar ram mi hna cung i an tuahsernak ṭha lo ngol dih ding in Brigadier Min Min Tun nih a nawl hna.

Ralkap phung a buarmi SAC ralkap hruaitu Senior General Min Aung Hlaing, Vice-Senior General Soe Win le ralkap hruaitu vialte nih Myanmar ram mi cung ah an tuahsernak ṭha lo vialte cu ngol dih ding in Ta’ang ralkap TNLA nih an tlaihmi Division 101 ralbawi Brigadier nih nihin January 10 ni ah Media sin ah a chim. “SAC Ralkap nih tlangcung mi telh in Myanmar ram mi hramhram in an thahnawnnak hna, thong an thlaknak hna, hriamngan le vanlawng hmang in an thahnawnnak hna zoh tikah ralkap phung an buar a si i.

Ta’ang hmunram chung ah a um mi tualchung mi thih-lohnak an ton mi le hliam an tuarnak he pehtlai in keimah pumpak in ngaihthiam hal kan duh hna,” tiah Min Min Tun nih cun a chim. Division 101 ralbawi Brigadier Min Min Tun cu 2023 December 15 ni Namhsan khuapi kahdohnak ah Ta’ang ralkap TNLA nih an rak tlaih i ni 27 a rauh hnu ah a voi khatnak Media he tonnak caan an pek i SAC hruaitu tuahsernak ṭha lo an ngol nakhnga nawlnak bia a chim.

Leave a Comment

Leave a Reply

Your email address will not be published. Required fields are marked *