Chinland Defense Force – Hakha Council Nih Thing-Ah Le Thing Zuarnak Kong Ah Mizapi Sin Ah Theihternak Le Ralrinpeknak Cathanh An Chuah,Chinland Defense Force – Hakha Council nih Hakha peng chung ah thing-ah le thing zuarnak kong ah mizapi sin ah theihternak cathanh an chuah. An cathanh chung ah April 10 in May 10 tiang Me-e peng, Senthang peng, Zokhua peng le Hakha khuachung tan in thing laak, thing phurh le thing zuarnak kan khap, tiah an langhter.
Mah chungkhar, Biaknak he aa pehtlaimi le mizapi ca ah thing laak le thing phurh nan duh ahcun nanmahle nan umnak hmun in a ummi thingram lei ṭuanvo ngeitu hna sin ah a hlankan in ni 5 chung ah theihternak nan tuah hna lai, tiah an cathanh ah cun an langhter. Hi theihternak le ralrin peknak cathanh kan chuahmi a zul duh lo i phungning loin thing a la i a zuarmi nan um ahcun dantat nan si lai, tiah Chinland Defense Force – Hakha Council nih cathanh an chuah.TCP,
Thawng dang relchap- Insein Thonginn In Thongtla 230 Leng Le Kalaymyo In Thongtla 26 Nih Luatnak An Hmuh, Ramkhel Thongtla An I Tel Lo, 2023 April 17, ah thongtla 3015 cu luatnak kan pek hna lai tiah SAC nih cathanh chuah in luatnak a pek hna. Tutan ah luatnak a hmutu hna nih sualnak an tuah ṭhan a si ah cun, thongtlak ding a taangmi kum caan relpiak chih in thongthlak an si ṭhan lai tiah cathanh an chuah.
Thongtla luatnak a hmutu hna chung ah Yangon, Insein thonginn ummi thongtla 230 leng nih luatnak an hmuh nain luatnak a hmutu hna chung ah ramkhel lei thongtla pakhat hmanh ka hmu hna lo tiah Insein thonginn hmai ah a phanmi ramkhel lei thongtla chungkhar pakhat nih a chim. “Nihin ah SAC ralkap nih Insein thonginn in luatnak a pekmi hna chung ah.
SAC ralkap uk duh lo langhternak tuah ruang ah tlaihkhih a tongmi ramkhel lei thongtla luatnak pekmi ka hmu hna lo. Sualnak a phunphun ruang ah le rithai-sii ruang ah thongthlak a tongmi hna lawng ka hmuh hna” tiah a chim. Sagaing ramṭhen, Kalaymyo thonginn in thongtla 26 nih nihin April 17, zinglei ah luatnak an hmuh ve tiah theih a si.
Luatnak a hmutu hna chung ah pa 23 le nu 3 tiin 26 an si. Cu chung ah ramkhel lei thongtla luatnak a hmumi kan hmu rih hna lo, a tam deuh cu rithai-sii ruang ah thongthlak a tongmi hna an si tiah ramkhel lei cawlcanghnak a tuahtu pakhat nih a chim. A luancia 2023, January 4 zong ah Kalaymyo thonginn in thongtla 77 nih luatnak an rak hmuh tiah theih a si.
Myanmar rampi ruahnak petu Daw Aung San Suu Kyi le President U Win Myint hna cu SAC nih kum caan saupi thongtlak ding in biakhiahnak a tuahpiak hna pin ah SAC uknak duh lo in a phunphun in dohnak a tuahtu ramkhel thongtla cu hmunkip thonginn ah 17460 leng an um tiah ramkhel lei thongtla zohkhenhtu Assistance Association for Political Prisoners (AAPP) nih April 12, ah cathanh a rak chuah.crd- The Chin Post.
Leave a Reply