Emergency bak si, Hakha um mi U le nua Nu le pa kan za pi tein Hakha Sizung pi ah um mi Ral kap kan chuah hna ding a si i rak chuak hrim uh law a tu. Ralkap an chuah dih in Hakha Sizung pi cu Mipi nih Tawh kan hrent dih lai. Rak chuak zawk uh law, crd- hakha campaign for justice.
Cadang relchap: Ralkap hi NCA minthut ruang ah an ra lengmang ko nain a chung taktak an luut bal lo: Pu Htet Ni, Camp Victoria ah Kawl Ralkap an rak luh tawn mi hi Nationwide Ceasefire Agreement (NCA) minthutnak ruang ah a si i a chung taktak cu an luut bal lo, tiah CNF Chimphuannak Nawlngeitu Pu Htet Ni nih a chim.
“Kahdaihnak min kan thut hnu ah kan camp tiang hi an ra lengmang ko. Asinain a chung taktak cu an luut bal lo. Tutan an rat zong hi CDM in a zaam mi Camp ah nan chiah hna ti thawng kan theih i kan ra, an ti. Buainak a um lo. CDM in a rak zaam mi zong Mizoram ah an pet/kal dih ko,” tiah Pu Htet Ni nih The Hakha Times ah a chim.
Tutan an rat ah hin Palek a zaam mi kan pe than u an ti nain an um lo. Kanmah lei nih CDM luh le tuah ruang ah tlaihkhih mi vialte thlah ding in kan chimh hna. Zalong tein lam a zawh mi hnahnawh lo ding le hrem lo ding zong kan chimh hna, tiah Pu Htet Ni nih a chimchap, crd- the hakha times
Leave a Reply