Hakha Market Thilzuar Nu Upa Cheukhat SAC Palik nih Lunghrinh in Sakhaan ah an Kalpi Hna

Hakha Market chung COVID-19 runvennak kong meeting a tuahmi Market thilzuar nu upa cheukhat cu SAC palik nih nihin chun ah lunghrinh in palik sakhaan ah an kalpi hna, tiah thawng kan theih. Market chung COVID-19 runvennak kong meeting an tuah dih hnu minute 30 hrawng ah palik an rak phan i Sui Hlawn Nu le A Zi an kalpi hna, tiah Market thilzuar pakhat nih The Chin Journal ah a chim.

Meeting kan tuah dih hnu minute 30 hrawng ah palik an rak phan i Sui Hlawn Nu le A Zi motor in an kalpi hna. An pahnih lawng cu Kawlholh zong an i harh deuh kan ti i, kan Chairman Pi Thla Sung a va kal ve,” tiah a cung nu upa nih a chim. Zei ruang ah dah ralkap le palik thil zuarh hna hlah u tiah nan forhfial hna tiah palik nih sual an rak puh hna. Pi Thla Sung nih thil sining a chimh hna hnu ah an thlah tthan hna,” tiah a chim chap.

Nihin chun Hakha Market thu pawl meeting an tuahmi hi COVID-19 runvennak kong a si i, tangka 1,000 cio thawh i Mask le Hand Gel cawk hnu ah Market luhnak kutka ah mipi hman ding in chiah ding in khuakhaannak an ngei, tiah kan theih.crd- The Chin Journal.

Ca dang relchap; Rangon remthen, Tamwe myone chung Kyia vengbawi Daw Soe Soe Lwin cu June 8, tuzing 10:00 am hrawngah a mawtaw chungah meithal in voihnih an kah i a thi tiah theih a si. Mawtaw chungah an kah tiah kan theih. Anih hi a hlanah puaisa a tuahmi a si. Ralhrang an hung kai in a leksuai ngaimi a si.

Amah ruangah tlaihkhih a tongmi an tam cang. Suimilam 24 chung ralhrang khawngsil caah thawngpang petu Dalan nganpi a si. An kah ti thawng theih in mi tampi an i lawm” tiah veng chung mi pakhat nih a chim.

Daw Soe Soe Lwin lawng a si lo. Ralhrang kuttangah khuabawi/vengbawi a tuanmi an thah lengmang cang hna. Ralhrang nih sualnak a ngei lomi mipi an tlaih hna, an vuak hna i an thah hna bantukin mipi vengtu ralkap hna zong nih ralhrang lawng si ti loin mi sawhsawh chungin anmah a bawmtu le tanhtu hna zong an i hmaithlak ve cang.

Cucaah ralhrang khawngsil tangah khuabawi/vengbawi a tuanmi hna na umkalnak kipah meithal par nih a ka tinh peng ti philh hlah. Na cil sa hmanh dolh manh loin na rilh caan a phan te lai.crd- the chin post

Leave a Reply

Your email address will not be published. Required fields are marked *