Thawngthanh Ralkap nih rampi uknak hraamhraam an laak mi dohnak ah Hakha siizungpi siibawi le sayamah te zong zungkailo in Civil Disobedience Movement an thawk ve cang. Mizaw zawnruat in aleng ah a tanglei bantuk in mizaw zohnak kan tuah tthiamtthiam lai. A hmun: No. 207, Bogyoke Lam, Pyidawta Sang, Hakha (Maykhala Siikhan cungdot),
Siibawite tthut caan: Zing 9:00 in zanlei 4:00 (Nikhatni in Ningani) Nikhatni, Nithumni, le Ningani ah OG, Medical, Surgical, le Child OPD siibawite an um lai. Nihnihni le Nilini ah Ortho, Eye, ENT, le Skin siibawite an um lai. Poipang emergency mizaw caah cun suimilum 24 chung rat khawh a si lai. Siibawite le sayamahte tangka pek a hau lai lo. Sii-ai, thi zohnak, zun zohnak, le Xray man lawng pek a si lai. Crd- The Hakha Times.
Yangon lam zawh kan i thawh hlan ah ‘covid zawtnak kan ngah kho, meithal in an kan kah kho, kan thi kho’ timi kan thei cia dih ko. Nain, cu vialte nakin ralkap uknak a letza in tih a nung deuh, kan techin fapar ca tiang ah tih a nung timi kan theih caah tih a nun kan theih ko buin hmurka raldoh kan i thawh cio hi a si.
Rammi dihlak caah tih a nungmi kan ral kan tei khawhnak ding caah cun cozah zung riantuantu le bank riantuantu vialte zong nih nan kan telpi cio a hau. Caan zeimawzat chung cu rian kal rih loin um hram ko uh.
Cozah zung le bank riantuannak ai hel kho ti lo ahcun ralkap uknak aa cawl kho ti lai lo. Kan lung ai rual i pumpak cio kan i tel ko ahcun Min Aung Hlaing tham cu kan tei colh ko lai, atu hmanh khi ‘kai chuah sual cikcek cang hi ta’ tiin ai ther len cang ko lai. crd- Salai Lung Thlitum.
Rel chap: Myanmar ralkap nih an aupi mi cu siikaan a ngeimi Democracy (discipline democracy) an ti tawn. Nitlak lei ram bantuk in Democracy ti i duh paoh in khuasak khi an huat ngaingai. Cucaah tuzan lei ah ralkap nih mipi warning an hun pek hna. Cu an pekmi hna cu nan thil tuahmi nih Democracy phung a buar/ a lonh cang. Hiti nan pehzulh ahcun Force kan hman cang lai tiah an thanh.
Hmanthlak zoh tikah Force an hman cang ti cu a lang ko. Asinain, khi nak fak in hman rih an duhnak an langhter. An duhning cu Chemical-laced tiang in hman an duh. Cawlcangh tikah lungfim deuh cu a hau lai hih!
Annih ralkap pawl democracy hi zei bantuk democracy dek a hei si hnga? A thianghlim mi, siikan a ngeimi democracy ti khi an chim lengmang nan theih cio lai. A zei khi dek an timi a si hnga? Nan ruahnak langhter cio te uh. Crd- S Tha Cung Lian
Leave a Reply