Hakha NLD signboard hrawknak kong he pehtlaih in puhmi pa nih fianternak a tuah cang. Cu puhmi pa cu Thang Khai timi fb account hmangtu a si i amah nih a tanglei bantuk in fianternak a tuah.
Media ah keimah hmanthlak hmang in keimah cu Magwe ramthen, Taungdwingyi khuami Kawl miphun pakhat, USDP tanpitu, Hakha khua ah cozah riantuan liomi pakhat bantuk in le Hakha NLD signboard hrawktu ah ka kong an tarlangh.
Keimah cu a tu India ram ah a um liomi ka si. Nan ka zumh lo ahcun ka facebook account ah zoh khawh a si. India ram ah ka ummi nan theih lai. Cun Chin miphun bak te ka si ko. Magwe ramthen hmanh a phan bal lomi ka si. Pu No Than Kap account le Salai Van Lian Thang account sin zongah NLD signboard hrawknak konng an post mi fainter ka duh nain an ka block caah anmah sin fainter khawh a si ti lo.
Chin Media facebook page ah fianternak tuah kaa timh than nain Comment tuah kho lo ding in an ka phit piak ve. Anmah pathum i bawmh in thawngpang dik lomi kha mipi nih kan zumh hna seh tiah Chin mipi an ka hlen tiah fiang tein chim khawh a si.
Hakha NLD signboard hrawktu hi anmah an si caah an sualnak thup khawh an izuam, nain Pathian nih a thei ko. Hi kongah Kawl miphun pakhat nih Chin party CNLD limhang zorter duh ah Chin ramkulh ah NLD signboard a hrawk ti phun in thawngpang an phuah chawmmi a si.
Chin miphun hna nih Kawl miphun huat hna seh tiah Kawl miphun huatnak meitil ramkhel rap pakhat a si. Tu bantuk caan thimnak a naih lio ah Chin ramkulh ah CNLD tanpitu hna nih NLD le USDP tanpitu Chin miphun si hna zong Kawl sal hna tiah soiselnak a tuah i buainak chuak kho dirhmun a si caah tu bantukin thawngpang deu an phuah chawm hi a si. Thil dik a langh khawhnak hnga i bawm cio uh sih. T. K.
Note: Kawlca kha aa tlak ning in leh chinmi a si.
Credit: Thang Khai
Leave a Reply