Hakha Oxygen Seh Thilri Tlamtling Tein An Phan Cang

Hakha Oxygen Seh Thilri Tlamtling tein an Phan Cang, Hakha Township Public Healthcare (HTPH) tawlrelnak in ramchung le ramleng Laimi hna i bawm in an cawkmi Oxygen seh thilri pawl cu Hakha ah tluang tein a phan cang, tiah kan theih. Hakha ah a phanmi Oxygen seh cu nihin zinglei ah HTPH hruaitu upa hna nih tlacamnak he Pathian sin apnak zong an tuah.

Hakha Oxygen sehzung cu ting 3,600 MMK dih in sersiam timh a si i, a seh hunnak hmunhma le meiseh (generator) tibantuk zong Pu Thawn Kian te chungkhar nih an tawlrel tiah thawng kan theih.crd- The Chin Journal

Thawng dang: Atu ah D-Day bantukin thawng an chuahter,anmah lei nih kahdohnak ah kahdoh ning lam an sial, ralhrang phu hna nih lam an sial ning ah anmah lawng si lo in BGF phu hna hmang in Kayin anmah le mah kahdohnak phun an ser. (KNU) kuttang brigade cheukhat hna hmunhma ah ralhrang phu hna nih cawlcanghnak fak deuh in an tuah caah atu lio ah kahdohnak pehtlai in a chuak.

Brigade 5 hmunhma KNU Mutaw(Phapun) pengkomh biachimnak nawlngeitu Pa Do Man Man nih vawlei ah a cang mi thil sining fiang tein a chim kho rih lo nain atu ah ralhrang phu chungtel hna cu brigade 5 ah raltuk nak ding ah a hlankanh in timhtuahnak an ngei, ralhrang minung thazaang an chap tiah a chim.Cu biachim tu nih cun” atu hi D-Day tiah thawngpang a chuak mi hi, anmah lei in kahdohnak ding caah kahdoh ning cang lam an chiah,

Cu an thil tuah mi kong ah anmah ralhrang phu lawng si lo in BGF hna cu au in Kayin miphun anmah le mah an i kap ti phun in lam an sial” tiah a chim.Brigade 5 cu mipi vengtu ralkap (PDF) phu hna le ralhrang uknak duh lo cawlcanghnak ah a tel mi (CDM) lut mi hna cu dornak an pek hna caah ralhrang phu hna nih kahdoh ding in timhtuah nak an ngeih hi a si tiah Pa Do Man Man nih cun a chim.

Ralhrang phu hna le Kayin ramkulh ramri hngak (BGF) phu hna nih August 24 zinglei ah Kayin ramkulh,Phapun pengkomh chungah ralhrang minung thazaang chap nak an tuah,BGF phu hna nih Metawoa khua lei ah phan in KNU brigade 5 hmunhma lei ah an kal tiah Kayin thawngzamhnak pakhat si mi Salween Press nih a langhter.

KNLA ralbawi Buchohgyi Saw Jaw Ni lei le Kayin an mah le mah kar kahdohnak a um lo nak ding ah biaruah nak a um caah BGF lei nih KNU le kahdohnak a um lo tiah Buhmu Saw Tin Win nih a chim. BGF lei nih KNU he kahdohnak a um lo tiah an chim nain KNU brigade 5 hmunhma lei ah BGF phu hna an luh a si ahcun kan i runven lai tiah an chim. KNU lei thawngthanhnak ning ah August 1 in 20 tiang ah ralhrang phu kuttang phu hna le KNU kuttang brigade hna kar ah kahdohnak voi 81 a cang tiah theih a si.

Cu kahdohnak chung ahcun brigade 5 he kahdohnak voi 61, brigade 1 he kahdohnak voi 16, brigade 3/2 he kahdohnak voi 2 a chuak tiah theih a si.Kahdohnak a chuak mi chung in KNU brigade 5 he voi tambik kahdohnak a chuak i brigade 1 he a pahnihnak a tambik kahdohnak a chuah nak hmun a si. Crd- the chin post

Leave a Comment

Leave a Reply

Your email address will not be published. Required fields are marked *