Hakha peng in MP aa cuh ding pawl cu kum upa lei lawng an si dih cang caah salai sang hnin lian hi mipi nih an duhbik ding MP pakhat asi cang ko. Salai sang hni lian hi a sianginn kaihnak le a riantuannak zohtikah chanthar mino lakah cun bochan bikmi chin pasal tha asi. Mino te asi thazang thawng lio a thinlung thawnglio te asi sinpah vawlei cung level in rian a tuan mi chin mino nih tihsak awktlak asi caah kum upa paw nain cu a tuan kho deu hrim lai tiin zumhmi asi. 
A cuh ve lai maw tiin biahalhnak zong an tuah pah cang nain aa fiang deuhin a chimh kho ri rua lo. 2015 lio zong kha thil sining tha tein an theih cangmi asi pinah hakha khuasakmi asi i NLD cozah an serh chung an thil tuahmi zong tha tein a theih fiangtu asi cucaah MP aa cuh ahcun salai sang hni lian nih a hmuh ko lai tiah a zumhmi zong kan tam ngai ngai. Rian dang tete a taunmi tam pah ve caah a rian chiahtakin miphun caah riantuan aa timh ding ahcun decision tha tein tuah ahau mi asi caah tu tiang biafiang a chuah kho ri lohmi zong asi ko lai. 
Kan chan athlen ngai cang caah mino nih MP zong vun tuan hna sehlaw kan miphun mino tete zong fimnak leiah thazang kan chuah deuh hrim lai. Kan miphun le ram zong changchohnak leiah khar kan hlahnakah a rang deuh hring ko lai. Kum upa pawl nih ram an hruai tikah kawl phungphluk in ka lung kalnak ah kan pum a kal kho ve ti lo an ti mi kha an si cang ko. Alung duhningin thil an kalhpi kho ti lo caah buainak tete tampi an tawn cang.
Leave a Reply