Nai i The Hakha Times nih Hakha Thantlang Pyine Candidates pawl bia raldohnak a tuah piak hna i, cu chungah Chin party kan si ko aa ti ve mi Chin NLD party lei in Candidate pakhat hmanh an i tel khawh lo caah mipi lei nih bia raldohnak tuahpiaktu Pa Pui cu fianternak tuah ding in an nawl.
Cu mipi nawlnak cu Pa Pui in Live cun fianternak a tuah i a chimmi cu, “NLD candidates pawl cu cunglei Baho lei nih mah bantuk bia raldohnak ah itel hlah uh an kan ti caah ka itel kho lai lo an ti” tiah fianternak a tuah.
Cu kong he pehtlaih in NLD Hakha tuanvo ngeitu lei nih NLD Hakha timi an official facebook cahmai ah a tanglei bantukin fianternak an tuah hi a si. A tialmi cu;
A tang link hi Hakha Time nih a langhtermi a si caah fianternak tuah ka duh.
1. NLD hi central nawl ngeihnak a sang tuk ti mi hi a dik lo. Atu tan election ah candidates zapi hi za long te in tonnak le bia ruahnak an ngei kho. Kap tanh ngeimi media nih mi mual phoh an hman caah kan Candidates hna cu media he pehtlai in nan i ralring lai, media he nan i ton tik ah bia tha lo nan chim lai lo, mi nan soi lai lo, party policies lawng chim ding si lai ti si ko. Central nih candidate pawl cu media he nan i tong lai lo ti a um lo.
2. Election kongah Candidate debate tuah an duhnak kong Pa Pui nih a kan chonh. A cung lei ka tial bantuk in i tel seh ti na duhmi kha rak chawn ko. Keimah nih cun kan chawnh piak kho lai lo ka ti. A chawnhmi hna kha khual an tlawn lio a si caah an i tel kho lo tu khi a si.
3. Central rum ro kan puhmi cu a dik lomi a si. Mahte khuakhan lairelnak a ummi democracy uknak phung federal pennak cu pei kan tan pimi a si cu tiah fianter nak kan hun tuah. Bia raldoh cu kan tih lo. Manh caan he a ton a hau. Hi hnu pinlei ah caan tha a um te ko lai.
4. Kan mawhchiat hlah uh miphun caah ti in khual kan tlawn lio a si. Caan tha a um te ko lai. Tuanvo Ngeitu.
A cunglei hi NLD tuanvo ngeitu nih fianternak an tuahmi cu a si. Nai i Hakha Thantlang NLD candidates pawl an i tel khawhlonak Pa Pui nih fianternak a tuahmi ruangah Chin NLD cu cunglei Baho nih an chak an tlaih i an duhpaoh in an monghmi a si tiah soiselnak tampi a chuak caah tu bantukin fianternak an tuahmi hi asi.
Source: NLD Hakha
Leave a Reply