Hi Bantuk Hna In Na Password Na Hmang Ve Sual Maw Chek Ve Hnik

2020 kum chungah vawlei cung minung tampi nih an hmangmi Password pawl cu a tanglei ah phozar dih a si. Chan aa thleng i a thancho ngaimi atu kan chan ah a mikip nih social media account hmang cio a si. Facebook, Instagram, Twitter, LINE tibantuk social media hi vawlei cung minung tambik nih hmangmi social media an si hna.

Social media kip ah Password a um bantuk in thil dangdang thil mansung chiahnak thingkuang, Mobile phone, Laptop tibantuk thilri zongah minung tampi nih an password an chiah ve. Atu ka chim dingmi cu tu kum 2020 kum chungah vawlei cung minung tambik nih social media ah an hmangmi Password pawl an si. Nangmah teh hi bantuk in password na hmang ve sual maw i chek ve hmanh.

Minung tampi nih cun an password hi fawite in chingchiah khawh ding mi number tete lawng an hmang tawn. Nain Password pakhat a fawi tukmi tuah sual ahcun hacker pawl nih fawi tein na account an hack khawh lai caah Technology Company pawl nih cun a har ko nain chingchiah a fawi tungmi password tuah cio ding le social media account ahcun two-factor pawl password ah hmang chih ding in ruahnak an cheuh tawn hna ti si.

2020 kum chungah minung tambik nih an hmangmi password 3 cu 123456, 123456789 le picture1 timi hna hi an si ti si. Hi hna pathum a chang tu ah minung tampi nih Password timi cafang i an password ah an hmang ve ti si.

Atu zong Pass Word Manager App a sertu NordPass company nih vawlei cung i password 275,699,516 kha database an zoh fel hnu ah an hmuh chuahmi cu, password 122,894,788 hi password tha ngaimi an si i, a tangmi 152,804,728 hi cu a tanglei langhtermi password lawngte an hmang cio hna ti si.

Cu password hna cu;

1. 123456
2. 123456789
3. picture1
4. password
5. 12345678
6. 111111
7. 123123
8. 12345
9. 1234567890
10. senha
11. 1234567
12. qwerty
13. abc123
14. Million2
15. 000000
16. 1234
17. iloveyou
18. aaron431
19. password1
20. qqww1122 hna hi an si.

Ref: SM