Tu lio Laimi chung umnak vawlei a hninhtu kan far kan nau kan fanu a simi Sui Hlei Tial kong cu aho paoh nih mah umnak ram le khua cio ah ceih cio a si i, ngaihchiatpi cio a si.
Tutan a thil tawnmi hi a rak i theih cia bantukin a tangbik video i a hlasakmi ngaih ah ngaihchiat a zual khun. Amah kong ah Sang Hre nih a tialmi tang i amah he naihniammi Pi Biak Tin Cuai nih comment a tial ning cu tleicia api nih a rak dawt tukmi a si i api pawng teah a ruak vui ding ah an timh piakmi a si.
Biak Tin Cuai nih a tialmi cu, “Athi mi ka nau Sui Sui hi tlaicia kapi nih a tu vial te lak i a dawt cem mi a rak si a ruak zong kuat ngah ah cun kuat i ka pi pawng te i vui hi kan duh bik mi a rak si virus lio cu si khaw kuat ngah sual la lo ti hi kan phang ngai sinain ruah lo piin kuat ngah ko la ti thawng kan theih tik ah kan i nuam ngai hna sinain e tu ah cun kan lungfak nak a thar in a chuah than ko e kua lo te in Malaysia a rian tuan tawn nak Sungkaibulu thlan tu ah khan rak vui hna seh law hi tluk hin kan lungfak hnga lo, khrihfa ram lo bang” tiah a tial hi asi.
Mai Sui Hlei Tial ruak Thantlang luhpi an khamnak kong ah Malaysia I Chin Refugees hna caah riantuantu ACR Presdent James Bawi Thang Bik zong nih a khuaruahharnak cu a tanglei bantukin a langhter ve.
“Malaysia siizung lei nih zong Covid-19 a ngei lo ti mi medical note an chuah piak hnu ah Kawlram ah Myanmar embassy nih a ruak an kuat mi cu a semnak ram le a khua te ah a ruak vui kho lo dir hmun cu tuanvo ngeitu upa hna nih zei ruahnak dah an ngei hna.”
“An ruah nak te zong an rak chim ve ding a si. Vanchiatnak ruang ah a nunnak a liam cang mi a ruak tiang ah harnak pek chap hi cu an lungput hi tih a nung ko. A tuartu chungkhar hna he ngeihchiatnak kan in hrawm pi ve hna.”
Rel Chih Ding: Theih Lo Le Khuakhan Thiam Lo A Hei Fah Tawn Ning Hi Mu: By Vcu Khenglawt
Malaysia hmanh in rak tlunpi cangmi kan fanu/nau nu Sui Hlei Ṭial ruak Thantlang khualeng i a phumter diam tu hna nih hin COVID-19 zawtnak hi ruak kuang zong a bauh kho i mi taksa ah kai in hnar le kaa chung i a lut khomi zawtnak phun ah maw an ruah hnga. Thil theih lo le khuakhan thiam lo a hei fah ning hi cu e.
Naite i ṭheng in mi aithing an rialpiak diam phun cu a si hoi mu. Mi Inn ṭhehnak le mi aithing rial/cilpiaknak i ṭheng hman hei ṭhiam ngai ṭung i khuatuak le khuakhaan hei thiam lo tuk fawn ṭung hi cu ing an puanh kho dah mu. A rauh hlan ah thlanmual te ah vuiter ṭhan zau hna seh law chungkhar lungfahnak le zapi thinhunnak zong a zia deuh hnga. Thantlang Mino hna, nan um/zoh sawh ko lai maw. Credit: Vcu Khenglawt
Atangah tleicia Sui Hlei Tial nih vanchiatnak hla a saknak tar chih a si.
https://www.facebook.com/cung.hublood/videos/2798480557099214
Video: Cung Hung Blood
Leave a Reply