Hih Ralhrang Pawl An Zam Than

Paletwa Khuapi Pawng Um SAC Khah-lah-yiah 289 Battalion Chungtel Pawl An Zaam Ṭhan, Chin ramkulh, Paletwa khuapi, khatlei ral ah ummi SAC Khah-lah-yiah 289 Battalion chungtel pawl cu an Battalion chuahtak in an zaam hna, tiah tualchung mi hna sin in theih a si. SAC ralhrang thazaang 200 tluk an umnak Khah-lah-yiah 289 Battalion cu aluan ciami January 1 in Rakhine ralkap AA nih kahdoh hram an thok i, ni 10 leng an kahdoh hnu 2024, January 12 ah an Battalion chuaktak in an zaam hna, tiah tualchung mi pakhat nih Zalen ah a chim.

Nizan ah an Battalion chuahtak in an zaam hi a si i cu Battalion ahcun pakhat hmanh an taang ti lo. January 12 thok in kahdohnak thawng le meithal puah thawng theih a si ti lo. Atu tiang cu a dai ko rih” tiah a chim. Paletwa khuapi um SAC Khah-lah-yiah 289 Battalion in ralhrang chungkhar pawl cu aluan ciami 2023, December thlachung ah Yangon khuapi ah an ṭhial hna, tiah theih a si. Tuluk tlangtlaknak in nitlaklei unau 3 hna le SAC ralhrang cu ni 2 chung i tonnak an ngeih hnu ah caan karlak kahdaihnak minsen an thut hnu in Paletwa pengchung ah.

Rakhine ralkap AA le SAC ralhrang karlak ah kahdohnak a um ti lo, tiah tualchung mi pakhat nih a chim chap. Thawng dang relchap- Chin MMA arfi, UFC fighter Joshua Van cu thaizing January 14 zinglei ah Brazil mi Filipe Bunes he an i phomh cang lai. Thaizing ah tuah ding mi UFC Vegas 84 hi 2024 kum chung ah UFC puai hmasa bik ding a si i, Joshua Van le Filipe Bunes hi preliminary card, a hmasa bik puai onnak an i celh lai.

Joshua Van hi UFC a luh hnu in voihnih aa celh cang i, teinak a hmu veve rih. Tutan ah aa celhpi ding mi Filipe Bunes hi UFC ah aa celh voikhatnak ding a si nain MMA ah hmuhton tampi a ngei cang. MMA aa celhnak record hi 13-6-0 a si i, a sullam cu voi 13 teinak a hmuh lio ah voi 6 a sung ve cang tinak a si. Brazilian Jiu-Jitsu(tlaihkhih) cu a thiam phun a si. Joshua Van MMA record hi 9-1-0 a si i, a sullam cu voi 10 aa celh ah voi 1 a sung ve cang tinak a si. Joshua hi “cucu a thiam bik” tiah chim ding a um lo nain striking a thiam pinah tlaihkhih zong a thiam ṭhiamṭhiam.

Wrestling thiam tiah theih mi Zhumagulov lak zong ah teinak a rak hmu cang. MMA lei a hngal mi nih Freestyle fighter ṭha ngai a si, tiah an chim. Joshua hi a luancia December thla ah i celh ding a si nain damlo zawtfah ruangah aa celh ṭhan khawh lonak kong media ah a chim. Atutan aa celhpi ding hi round hnihnak ah tei dingin timhlamhnak a ngeih kong zong a chimchap.

Joshua le Filipe hi puai hmasa bik a si lai caah tuante ah an thawk lai i, Myanmar caan in Zarhpini zinglei suimilam 3:30(India 2:30) hrawng ah an thawk te lai. Preliminary card hi India lei UFC zohnak bik Sony Liv ah cun live in an pek lo caah zoh khawh a si lai lo nain ESPN+ subscribe a tuah mi ca ah zoh khawh a si lai.

Leave a Comment

Leave a Reply

Your email address will not be published. Required fields are marked *