Zual ko hla sa thiam Mafaki a nunnak a liam, hlasa thiam Mafaki hi mizo sing a si nain k amah hakha hla te zong a kan sak cover piak len mi minthang hlasa thiam pakhat a si, a video a zoh duh mi a tang cem ah kan in chiah piak hna, Thawng dang relchap- March thla chung ah SAC ralkap 400 leng an thi tiah KNU nih a thanh, Karen miphun hriamtlai KNLA le SAC ralkap pawl kar, a luan cia March thla chung kahdohnak ah SAC ralkap 400 leng an thi tiah KNLA Ralkap Hmunpi nih nizan April 14 ah a thanh.
A luan cia March thla chung KNU hmunhma chung ah SAC he kahdohnak voi 300 leng a chuak i SAC lei in 422 an thi, 200 leng hma an pu tiah cathanh an chuah. Cun KNU Brigade-2 hmun a si mi Taungoo pengkomh chung ah KNLA le tangti phu hna nih ralhraang camp pawl an va kah, drone in bomb an va thlak ruang ah SAC lei a thi mi an tam tiah theih a si.
Brigade-3 hmun a si mi Nyaunglaybin pengkomh zong ah SAC ralkap nih raalhmai nam in an lut i, rammi inn le lo an hrawh ca ah SAC ralhraang hna le KNU kut tang KNLA ralkap hna kar ah March 1 in 19 tiang kah dohnak a chuak tiah KNU nih an thanh. Cu bantuk thiamthiam in thla khat chung ah, Brigade-5 hmun a si mi Mutraw pengkomh ah kahdohnak 190 leng a chuak i SAC ralkap 92 an thi, 45 hma an pu. March 28 ah Mae Kha Hta SAC ralhraang camp laak kahdohnak zong ah.
SAC ralkap 16 an thi tiah KNU Brigade-5 cathanhnak in theih a si. March thla chung KNLA le SAC ralhraang kar kahdohnak pawl ah KNLA ralkap lei in pasarih an thi i 31 hma an pu tiah KNLA cathanh ah an langhter. Thawng dang- Time Magazine Nih Min Aung Hlaing Cu Taliban Changtu Misual Tiah An Thangchiat, Rampi nawlngeihnak latu SAC ralkap bawizik Min Aung Hlaing cu Time Magazine nih, 2023 kum ah vawleicung ram hruaitu minthang minung 100 an thim hna i, cu chung ah Min Aung Hlaing Cu Taliban changtu tiah, an langhter.
Time Magazine nih vawleicung ram hruaitu hna minung 100 cu 2023 ah an thim hna i, cu chung ah Min Aung Hlaing zong min chiat lei in aa tel ve, tiah theih a si. Min Aung Hlaing nih nawlngeihnak a laak hnu ah rammi hna le Democracy a dirpitu hna cu zohchia tuk in a hrem hna pin ah a thah hna. Khuate a thong leng zong a hrawh i tualchung mi sing 10 leng zong ralhrial in an zaam.
Time Magazine nih, an langhtermi ah Rakhine ram chung um Muslim hna cung ah miphun cihmihnak tiang in thil a tuah caah Muslim hna kong ah ṭuanvo ngeitu a si tiin an langhter. Time Magazine nih vawleicung hruaitu minthang 100 an langhtermi chung ah Ukraine President le a nupi, Brazil President hlun Lula da Silva, US Senate Mick McConnell, Australia Prime Minister Anthony Albanese.
US President Joe Biden, Japan Prime Minister Fumio Kishida le Germany Prime Minister Olaf Scholl hna zong an i tel, tiah theih a si. Min Aung Hlaing tu cu thil ṭha tuahnak lei in ram hruaitu minthang ah telh loin misual Taliban changtu hranhram in uknak la i hruaitu, tiah Time Magazine nih cun an langhter. Note-hlasathiam mafaki video cu mah alink hi VIDEO youtube.com nhmeh law a video na zoh khawh lai.
Leave a Reply