Ram le Miphun Vialte nih Hmelchunhnak kan i ngeih cu hmelchunhnak cu a phun phun in kan I lak or kan hmang cio. Kan hmang nak a ruang le kan I laknak a ruang zong an I dang cio lai I kan hmang mi hmelchunhnak zong an i dang cio ve. Hmelchunhnak kan ilak ti ahhin or kan hmang ti ahhin kan tuabia le kan tuahserhnak zoh in kan hmang cio i kan ilak cio mi asi.
Chin Miphun kan Hmelchunhnak cu vapaul or Vakok a si. Hmelchunhnak kan ti ahhin miphun le ram deuh nih hmang mi asi. Logo kan ti ahcun buu le communities Company tete hna zong nih hmangmi asi. Cucaah hmelchunhnak he aa dang nak tete kha kan hmuh thiam a hau. Vapual le vakok kha Chin miphun nih zeitin dah tuanbia kan ngeih ti kha ka chimh lem lai lo a theihmi zong kan um ko lai caah chim kan duhmi cu Lautu kong asi.
Lautu nih hmelchunhnak kan ngeih ve hihi Pathian pekmi ram le miphun tling kan sinak zong a langter ngai. Lautu miphun nih Calendar le Magazine ti bantuk kan chuah asi ahcun cu kan hmelchunhnak cu kan hmang tawn ve. Lautu Miphun kan hmelchunhnak cu Sia Tu khi asi. Hmelchunhnak kan hmangmi le kan i lakmi hi kan tuanbia le kan tuahserhnak he pehtlai in kan I lak ti kha kan I fiang ngai ko.
Zei ruangah hi Sia Tu hi kan miphun hmelchunhnak ah kan hmang or kan lak ti ahcun hi Sia Tu thisen chuah in Lautu Miphun cu Unau kan sinak le Miphun pakhat kan sinak fekterh nak ding caah le dawtnak remnak daihnak he kan ram chungah nuam tein khua kan sak tiin khawhnak ding caah tiin hi Sia Tu thisen chuah in Kan Pu Chief Pu Khar Dun Ram Uk Bawi nih Lautu Miphun cu biakhamnak a kan tuah pi caah hi Sia Tu hmelchunhnak hi kan hmang mi asi. Luatu miphun bantuk in zei miphun hmanh nih hi bantuk biakhamhnak tuanbia hi an ngeih kho lo Lautu miphun lawng nih kan ingeih mi tuanbia asi. Cu Caah Lautu miphun cu aa dawtmi miphun kan si kha nihin nining tiangah mithmu kuttong in kan chimh kho mi hi asi.
Leave a Reply