Kan cawm cia le kan ken cia, kan thing kan Ram le kan suingun chawva in a tthang a lianmi kan tufa hna nih cawmtu nupa zei rel lo cu ttumchuk lei an panhnak lam thluan a si. Kan upa Ling Kung Inn ttheh awk ah an i thawh ka hmuh cu ka sining vialte chiahtak in zuan ve khi ka lungah duak tiah a hung chuak riangmang ve. Leitak khuate ah serding mi khua kha nupa hna nih khuazing Pathian an rak theih tikah Thluachuahnak an co i an nu an pa Leitak tiang an kan uk.
Hmanhseh, tthangthar Mino hna nih Pathian ttih lo le nupa theih loin cawmtu le kengtu kha akan nehsawh thluahmah cang. Hihi hawihnu a kharmi Leitak Pathian nih Thluachuah pek a kan duh cang caah a si ee. Hlandeu lio HT nupa hna zong Thluachuah hmuh an rak duh lio ahcun nehsawhnak le thlanglamhnak phunkip kha an rak in khawh ve ko. Tthangthar hna nih an philh cang caah a si.
Cubantuk in Pathian nih kan khupthal leh a kan duh cang caah harnak phunkip a kan phak ter ve rua. In khawh i zuam ve hram u sih. Nu le pa a zawmhtaih mi hodah thluachua a hmu bal? Bible nih an um lo a ti. Minung sinak in cun in a har ko, a har taktak ko e. Hmanhseh inkhawhnak cu thluachuah hrampi a si. Kan mino hna nan mawh hrimhrim lo, Leitak cu HT caah hringtu nupa kan si. Midang nih zei rel lo cu i fahsak ding bak si ko.
Kan hrin cia le kan cawm cia hna nih zei an kan rel lo cu Pathian nih a kan duh pimi thil a um ko lai e. Luke 23:34. Jesuh nih aa thawh i, ” Ka pa , ngaithiam hna. An tuahmi hi zei a si ti awk an hngal lo”
kolose 3:13.Pakhat le pakhat lungsi lonak nan I ngeih tikah pakhat le pakhat i ngaithiam uh law , i bawm u. Bawipa nih an ngaithiam hna bantukin pakhat le pakhat nan i ngaithiam Lai.
Khualei ummi hna nan lung a sau hringhran ko mu, Pathian nih a theih ko. Kan upat tuk hna. Thlacam hna uh sih!. BAWIPA kan nih Leitak cu nangmah lawnglawng kan in bochan ko, Kan Ngaihchiatnak, kan lungretheihnak, kan vansannak le kan intuarnak vialte cu nangmah sinah kan rak chuah pi. Nang nih a zungzal in kan um pi hram ko mu. Amen. Credit by Salai Lian Thang.
Leave a Reply