Hnaring Myo Lautu Ram A Cuai Sang Tu

Lautu Miphun caah kan Khualipi “Hnaring Myo” Lautu Ram a cuai Sang tu.Lautu ram ahhin khua 17 kan um i, Hnaring Khua hi  lautu miphun Kan khualipi asi. AD 1600 hrawngah Tisen Khua in Century Pakhat hrawng an um hnu ah  Pu Le Chin fapa Pu Lian Mang le a minung hna nih khua an tlak pi hna. An khua hi aa rem, aa dawh , um a nuam ngai ngai mi khua  asi. Lautu ram kan khualipi asi ve bantukin 2019 ah Myo zong an hmuh ve cang. A lamkip in an tthangcho mi khua asi cucaah Lautu Miphun nih hmailei kan miphun thanchonak ding caah kan I ruahchannak nganbik kan I chiatmi khua zong asi.

Politics lei zongin kan zoh ahucn:  Zocah nih Lautu ramah a zeilei paoh in a chiatmi khua asi. Hnaring hi Lautu ramah Sii –Inn zong a rak um hmasahnak khualipi a si, Lautu Miphiun nih zawtnak ,faknak kan tawn cang ah kan i dawrnak khua zong asi, kan I bochan ngai ngai mi khua asi. Rural Health Centre hi Lautu Miphun caah Sii –Zung asi i 25/03/1962 kum ah an rak dir cang. Cozah Uknak le zongah Hnaring ah khin Myone Police Zung aum nak asi ve cang. Cozah Nih Lautu ram ah tangra sianginn (High School) a chiat hmasanak khua zong asi. Kan lautu ram ah Tanghra Camipuai (Ten Standard examination) zong kan tuah kho nak khua asi cang.

Cun Economic lei zongin kan zoh ahcun: Lautu kan khualipi a si ve bantukin minung (Population) zong an tambik nak khua a si. Economic lei zongah business a tuahmi an tam biknak a si caah Lautu Miphun vialte nih Halkha le Thangtlang kan panh hlan ah Hnaring khua khi kan panh hmasah biknak khua asi. Marketing lei zongah dawr a tuahmi an tam biknak khua a si I, Phaisa lut/ chuah nak lei zongah kan khualipi asi ve. Business man pawl an tam biknak khua asi caah Motor le Cycle zong a tam biknak khua asi. A tu a rua hlan ah CB bank le KBZ zong an dir ve lai tiin kan zumhmi khua asi.

Biaknak lei zongah kan zoh ahcun: Catholic biaknak lei in Perishes an chiatnak asi I, Bishops te an umnak khua zong asi. Cun Baptist lei zongah (LABC) Lautu Association of Baptist Church zungpi a umnak hmun asi ve. Cun Literature lei zongah Hnaring caa in NT Bible le ZBC khirfa Hla Cauk zong an ngeih cang.

Artistic lei zongah kan zoh ahcun: Hlasak a thiammi le Hla a tial thiammi an tam ngai nak khua asi. Love ( dawtnak le Ram hla zong Lautu ram ah a tambik a sakmi le a tialmi cu Hnaring khua asi. Lautu miphun le Miphun dang nih kan theih bikmi hlasak thiam Pei Ni Na zong kha Hnaring khuami asi. Ram hla le nugak/ tlangval I dawtnak hla zong tampi a phuahmi le a sakmi khua ansi.