Hringtu a nu palhnak ruang ah a mah nih ngaithiam nak a halh hna. Actress Han So he cu a nu nih a mah min hma in, mi tangka a cawi hna ruang ah ngaithiam halh nak ca le thil si ning vialte cu A official blog ah a van post. Hello Lee So Hee ka si. A hmasa bik ah Victim pawl cung ah ngaithiam nak kan hal duh hna.
Nan lungrei thei tuk ceu lai ti ka thei. Cun mah thil ruang ah mi tampi a lungtling lo mi hna cung zong ah ngaithiam nak kan halh duh hna. ka thinlung dihlak in ngaithiam nak kan halh hna. Mah ca ka thil hnu ah hin victim dang nan um ti lai lo ti kaa ruachan. Cun a hngakchia lio ah a nu le pa an rak i thennak kong le kum 20 chung a nu he an rak i tongh ti lo nak kong zong a van tial chih rih.
Kum 5 ka si ah ka nu le ka pa an rak i then caah ka pi nih a rak ka cawmken. high school ka lut hnu ah khan ka nu um nak Ulsan ah ka ttial, nain ka pi sinah ka um ko. Ka Graduate hnu ah Actress si ding in Seoul ah ka ttial. Ka nu he hin kan i tongh lo nak a sau tuk, kum 20 ka si hnu long ah khan leiba a ngei mi hi ka thei.
A fanu ka si bantuk in ka nu cu ka zangfah ve i, actress in ka debut hlan zong ah rian ka tuan i, ka nu leibaa hi ka rak cham piak tawn ve. Actress ka si hnu ah beibatu he kan i tongh hnu ah, ka nu nih hin ka min hin tangka a cawi hna i, a pek than ti hna lo ti hi ka thei.
Ka min in a cawi mi leibaa hi a rak tamtuk. Baa hi cu ka rulh than ko hna lai ti long in ka rak ruat, Keimah i rilrin thiam lo nak ruang ah mah bantuk in victim pawl tamtak nan um i, harhnak nan tawn caah a poi ka ti tuk hrinhran. Ngaithiam nak kan halh hna.
Leave a Reply