Mipa pakhat hri in aa awk. Pago ramthen, Taungngu district, Phyu myone, Kanyat kwin myo, Shwetang lam (8) ah a ummi inn pakhat ah nihin September 3, zinglei suimilam 6 am hrawngah mipa pakhat hri awk in a nunnak a liam tiah theih a si.
A thimi pa hi Shwetaung (8) lam ah a ummi Ma Khin Soe Htike pasal Ko Aung Naing Moe (kum 41) a si i an inn chungah plastic hri in aa awk i a thu buin a thi tiah theih a si. A ruak cu tuanvo ngeitu palik hna nih an tuah tawn bantukin kherhhlainak an tuah tiah theih a si.
A thinlung a hmanlomi pa nih a nupi a thah. Kathar myone, Thapyae pin khuami Htay Htay Oo timi a thinlung hmanlomi pa nih nizan September 2, zan suimilam 7 hrawngah a nupi Aye Aye Mu a thah tiah theih a si.
A thahnak ruang cu a nupi Aye Aye Mu nih a pasal Htay Htay Oo cu “Na hrut maw” a ti sual caah a pasal Htay Htay Oo a thinhung i namtong nganpi cu a nupi Aye Aye Mu cu voi tam nawn a tuk tiah theih a si.
Aye Aye Mu cu hliamhma he a si caah Kathar siizung ah an tlikpi nain a hliamhma tuar khawh loin lam tamtim ah a nunnak a liam tiah theih a si. A nupi a thahtu Htay Htay Oo zong cu Kathar palik nih an tlaih i biahalnak an tuah cuahmah lio tiah theih a si.
Tlangval note nih tarnu a thah. August 29 ni, zan suimilam 10 pm hrawngah Shan ramkulh, Mabin myo ah kum 75 tarnu a thahtu pa cu Mabin myoma palik pawl nih September 1 ni ah an tlaih khawh cang.
Kum 75 tarnu a thahtu cu Htun Kyaw (kum 20) tlangval note a si i Daw Ung Tin te dum chungah a lut i a thimi Daw Ung Tin nih “Zan tlai hnuah ka inn kulh chungah na lut, uico hmanh man na ngei lo” a ti caah thingtan aa lak i a lu ah voi 5 a velh caah a thi chuak a luan deuh i a thi tiah theih a si.
Lainawngtu Htun Kyaw cu Mabin myoma palik nih case an tuahpiak cang tiah theih a si.
Laknak: Kawlram fb page in lak chawmmi tete an si.
Leave a Reply