Australia cozah nih International Students caah 45 Million pek dingin thawngthanhnak cu 29/04/2020 ah www.studymelbournel.vic.gov.au in a tuah cang. Hihi international students vialte caah asi. Fiang deuhin kan chim ahcun Oversea Students visa in Australian ram chungah a um mi vialte nih sok khawh asi. A tu a cunglei ah langhtermi government website ahhin register nan tuah cia ahau lai.
Application Form hi a rauh hlan ah a vun chuah colh lai i apply nan tuah khawh colh lai. University, TAFTS, Private Vocational Education , Training Providers le English Language College vialtel sianginn hna sinah a kaimi paoh nih sok khawh asi lai. Tu lio hi Australia International Students lakah a har bikimi cu Chin International Students hi an si ko lai. Inn hlan in a um mi hi minung 40-50 hrawng an si harnak a tawn taktak mi hi fiang tein an theih kho rih lo.
Cun Australia Chin Community le khrifa buu tete hna nih bomhnak an pek ngai ngai ti hi Covid-19 zawtnak ruang cun kan theihmi an um rih lo. Pumpak in student pawl bomhnak a pemi cu an um ko tiah theihmi an um ve ko nain a bomhtu hna min cu kan vun langhter lo ah a tha lai. Lungre theih ngai in a um mi an tam ko. Cucaah Organization le Community tete hna nih cozah cu mawhchiatnak an tuah ve.
An chimmi cu “Australia ram ah tax a pekmi vialte caah bomhnak na pek hrimhrim cu a hau lai “tiah an ti peng caah asi .Cucaah Cozah nih kan hnu thla in khan bomhnak pek dingah aa timh cia cang ko nain tu 29/04/2020 ni thawkin ka bomh ko hna lai tiah mipi sinah thawngthanhnak hi a vun tuah mi asi.
Leave a Reply