Iraq Le Syria I US Umhmun Khuarnak Sakhan Cu Zarhkhat Chungin Vawi 13 An Kah

October 17 in 24 tiang zarhkhat chungah, Iran he pehtlaihnak a ngeimi hriamtlaiphu nih Iraq le Syria i US base camp cu vawi 13 tiang ankah tiah US Department of Defence nih a langhter. Iran ram i US base camp ah vawi 10, Syria ram ah vawi 3 drone le missile hriamngan hmangin ankah tiah Pentagon biachimtu Patrick Ryder nih a chim. US i NBC news agency nih a langhter ning cun, kan hnu zarh chung khan Syria khuathlanglei ram US base camp cu cunglei drone hmangin kah asi caah US ralkap 20 naak tlawmlo nih hliam an tuar tiah a langhter.

Hi bantuk kahdohnak lehrulh dingah Secretary of Defence Lloyd Austin nih Middle East i US defence cu ṭhawnter in cunglei raltuknak zong a thlah tiah theih asi.crd- Lungmili Post. Thawng dang: Pauk Peng Rallamsialmi SAC Ralhrang An Kah Hna; 24 Naak Tlawmlo Hliam An Tuar, Magway ramṭhen, Pauk peng Zeepyar khua in a rak chuak mi SAC ralhrang cu mipi hriamtlaiphu nih an kah hna caah ralhrang 18 naak tlawmlo hliam an tuar, tiah Myain Pah-kah -phah in ṭuanvo ngeitu pakhat nih Khit Thit ah a chim.

October 19, zing suimilam 10:40 tluk khan Pauk peng Zeepya khua lei in arak chuakmi SAC ralhrang le Pyusawhti hna cu mipi hriamtlaiphu nih cunglei drone hmangin bomb voi 15 tiang an thlakhnawh hna pin ah Rocket 15 in ankah ṭhan hna caah ralhrang 6 naak tlawmlo hliam an tuar tiah theih asi. October 20, zaanlei suimilam 3:00 tluk khan Zeepya khua, Tharogai khua in SAC ralhrang le Pyusawhti ralkap thazaang 200 tluk rallamsialin a rak chuakmi le mipi hriamtlaiphu karlak ah kahdohnak fak a chuak tiah theih chih asi.

Cu bantuk ṭhiam in October 21, zaan suimilam 7:00 tluk khan Aingma khua ah rallamsialin arak lut i tualchung mipi thilri a fir tu SAC ralhrang cu mipi hriamtlaiphu nih cunglei drone hmangin bomb an thlakhnawh hna ralhrang lei zong nih hriamngan in voi 5 tiang ankah hna sihmanhsehlaw mipi hriamtlai hliamtuar anum lo tiah theih asi. Myain Pah Kah Phah, Pauk Pah Kah Phah, Taungngu Pakkuko Urban Guerrilla Force le defence group ṭangṭi phufonh nih rallamsialmi SAC ralhrang ankah hna caah minung 18 naak tlawmlo hliam an tuar tiah an langhter.