Israel le Palestine buai nak cu kan thei dih cia ban in kan hnu zarh chungah khan cun an karlak ahI kahdoh nak fak ngai ngai in a chuak. Mah lio ah Israel nih vawlei pi hmuh in a hmang mi hriamnam Iron Dome kong lam toi cu a thei duh mi caah a tang ah kan chin/hakha holh te bak in ngai khawh lai.
Ca dang rel chap; Thil sining cu nihin May 23 ni, zinglei suimilam 8:15am hrawng ah Sagaing ramthen, Tanhse myo, Mahar Myiang sang ah a ummi ralkap council hriamtlai tapung pawl thwngpang a petu dalan, Pyo-saw-hti phu chungtel U Thein Swe Aung @ Maung Soe le Ma Chaw Su te nupa hna cu meithal kap an tong i, U Thein Swe Aung @ Maung Soe cu a nunnak a liam tiah theih a si tiah KTM nih a tar lang.
Cun U Thein Swe Aun Maung Soe cu cu hlan ah thing firtu pawl kong palek sin a chim phuan tawntu pakhat a si i atu ah ralkap council hriamtlai tapung phu caah dalan a tuan thanmi a si tiah khuaami chimhnak in theih a si. U Thein Swe Aun cu Ye-oo siizung ah a nunnak a liam i a nupi cu sii aa thlawp lio tiah theih a si.
Thawng pang dang relchap; Moebe palik sakhaan PDF nih an lak, sac ralhrang 4 an tlaih hna, Shan ramkulh le Kaya ramkulh ramri ah a ummi Moebe khua i SAC ralhrang palik sakhaan cu mipi runvengtu ralkap PDF le tlangcungmi hriamtlai bu i bawm in nihin ah an lak i SAC ralhrang 4 a nung in an tlaih hna. Ralhriam pawl zong an lak khawh.
SAC ralhrang 14 an thi i PDF lei in minung 2 hliamhma an pu hna, tiah thawngpang an chuah. Nizan ah Kaya ramkulh, Di-maw-seo khua i ralhrang security checkpoint pakhat zong PDF le Free Burma Ranger nih an lak i mei in an khangh.crd- the chin journal.
Leave a Reply