Israel Lei Ah US Nih Tilawng A Thlah Ṭhan

US Nih USS Dwight D. Eisenhower CSG Tilawng Cu Israel Lei Ah A Thlah Ṭhan, US nih Israel a dirkamhnak langhternak le a herh ningin Israel runven dingah raldohnak le vanlawng le hriamnam dangdang a phawrtu USS Dwight D. Eisenhower Carrier Strike Group (CSG) cu Israel he aa naihnak Mediterranean rili nichuahlei kam ah a thlah ṭhan. USS Dwight D. Eisenhower Carrier Strike Group (CSG) thlah ṭhan dingah US Defense Secretary Lloyd Austin nih October 14 (Nirukni), nihin ah biachahnak a tuah tiah Fox News nih a ṭial.

USS Dwight D. Eisenhower Carrier Strike Group (CSG) cu hmasa ah an rak thlah mi USS Gerald R. Ford Carrier Strike Group sin ah a va i fonh lai. USS Dwight D. Eisenhower CSG ah missile a hrawk kho mi USS Philippine Sea (CG 58), USS Gravely (DDG 107) and USS Mason (DDG 87), Carrier Air Wing 3 le aircraft squadrons 9 an i tel. Hmasa ah an rak thlah mi USS Gerald R. Ford Carrier Strike Group ah USS Normandy, USS Thomas Hudner, USS Ramage, USS Carney le USS Roosevelt an i tel ve.

Thawng dang relchap- Khuapi Chung Kahdohnak Fak A Chuah Hlan Ah Mipi Sin I Fonh Ding In PDF-Zoland Nih SAC Ralkap An Theihter Hna, Chin ramkulh, Tedim peng ah hrambunh in a ummi tualchung hriamtlai phu PDF-Zoland nih SAC ralkap le palik pawl cu mipi sin ah i fonh ding in thawng an thanh hna i hriamnam he mipi sin ah aa fonhmi hna cu laksawng an pek hnanak kong zong an langhter chih.

Ralkap le palik lawng si loin SAC kuttang ah zungrian a ṭuan cuahmah mi vialte zong mipi sin ah i fonh ding in PDF-Zoland nih nawlnak an tuah. A ruang tampi ruang ah zung in a chuak kho rih lo mi ralkap, palik le zungrianṭuan an um rih caah khuapi chung kahdohnak fak a chuah hlan ah, a caan um liote hin mipi sin ah i fonh hna seh ti hi kan duh bik, hriamnam he mipi sin ah aa fonh mi hna cu.

An hriamnam zoh in laksawng pek an si hlei ah a himnak hmunhma ah kan chiah hna, tiah ṭuanvo ngeitu pakhat nih a chim. SAC ralkap nih hramhram in uknak an laak thawk in SAC kuttang um ralkap le palik 30 leng cu PDF-Zoland sin ah an i fonh cang, tiah ṭuanvo ngeitu pakhat nih cun a chim.