Singer Sung Tin Par cu kan mah chin/lai mi long ah hlah kawlram pumpi ah hlasa thiam lei in a min a thang taktak mi kawlram hlasa thiam minthang pakhat a si. Kawlram ah hlasa thiam lei in mipi nih kan uar tuk mi Sung Tin Par a fapa Jason Lian Tin Sang nih 2020 December 20 ni ah khan LBC CE’s GOT TALENT Zuamnak ah hlasak thiam lei in winner a kan co piak. Hlasa thiam Sung Tin Par nih a fapa winner a co nak kong ah a tang lei kan van lang ter bantuk in a lawmhnak a van lang ter.
Sung Tin Par: LBC CE Saya & Sayamah te cung ah Lung lawmh nak tampi kan ngai.Hmai lei ah kan fa le chrihfa nun zia dawh fa le an si khawh nak ding caah lam hmu sak tu tha si ding in Pathian nih Lam in hruai chin ko hna seh. Tiah a fb ah a van lang ter.
Pathian bia rel chap: Nitin Thlarau Rawl Bible Cathiang In Pathian Sinah Thazaang La Ti Than Hna U Sih ,Biahmaithi : Sermon ah cun ai rawk sual lai caah Bible ning tein Pathian sinah thazaang la ti hna u sih. Hebru 11 : 6 Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.Jeremiah 29 : 11 – 14 Nan ca i ka tinhmi cu keimah lawnglawng nih ka hngalh, tiah Bawipa nih a ti.
Cucu vanchiatnak si loin hmailei ruahchannak le thluachuahnak caah a si lai. Nan ka hal i ka sinah thla nan cam ahcun nan bia kan ngaihpiak hna lai. Nan ka kawl tikah nan ka hmuh lai; nannih nih nan lung dihlak in nan ka kawl tikah keimah cu nan ka hmuh lai, tiah Bawipa nih a ti. 2Chanrelnak 7 : 14 Ka min in kawhmi ka mi hna nih khan an lung an thumh i thla an cam i ka hmai kha an kawl i an lam thalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.
Johan 3 : 16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. Cathiang a hrawmmi zumtu nan dihlak cungah, “Kan Bawipa Jesuh Khrih Pathian sunparnak Pa nih cun amah hngalhnak dingah fimthiamnak le phuangtu Thlarau cu in pe ko hna seh,” Amen. ( Efesa 1 : 17 ). Dawtmi u le nau hna nan umnak hmun cioah Bawipa Pathian nih damnak le hlawhtlinnak thlachuh in pe ko hna seh. Crd: Johnli Fambawl
Leave a Reply