Jesuh Nih Caesar Muikengcu Caesar Pek Uh Pathian Muikeng Cu Pathian Pek Uh A Ti

Caesar muikeng cu Caesar pek uh Pathian muikeng cu Pathian pek uh a ti bang Chinmi Krihfabu nih Mifir sinin tangkaa laksawng cohlang hna hlah uh sih. Laitlang Krihfabu cu Ralhrang nih Phaisa in a lem hna timi Thawngpang nih vawlei cung pumpi chinmi sin a hnih dih. Chinmi lungthin kip ah hling nih kedil ah a kan chunh bantuk le kan hnakruh a kan tamh bantuk in kan lungthin a kan fah ter.

Kawlram mipi vialte le tlangcungmi phundang hna nih (chinmi cu vakok zumhtlak nun ) a ngeih mi an si tiah an kan ti tawn a si nain a tu ah cun Kyat: 18000 (dollar in $:15) in lem khawhmi kan si hnek cang timi Thawngpang cu Thawngpangchia vialte lakah Thawngchia bik a si.

Zumhtlak sinak vakok nun cu Phaisa in cawkkhawh men mi le chawva in thlen khawh men mi le hnem khawh men mi kan sin ah cun a kan hringsor tu hlan kan pu, kan pa, kan pi le hna nih chinmi kan thantar ah an rak hmanhmu zumhtlak-vakok nun hrawktu ah kan cang ko hnga.

Ralkap nih pekmi Phaisa cohlan hi Jesuh ruainak ah Judas Iscariot nih a rak cohlanmi ngun tangkaa (30) thisen tangka he aa khat mi a si. Krifabu sinah ralkap nih ngun tangka in an kan lem mi hi kan cohlan awk a si hrim hrim lo. Zeiruangah dah thisen aa nehmi tangkaa ka ti khawh ti ah cun, ralkap cawlcanghnakhi cunglei order lawngte in rian a ttuanmi an si.

Sagain ramtthen Kani le hmun dang dang mindat tibantuk ah ralkap nih mipi sui le ngun le Phaisa a ting ting in inn boh piak hna nakin an fir hna le mi sawsawh (civilians) an thah hna i thilri hramhram in a chuhmi hna phaisa chaw le va a si mi thil hna hi kan kan cohlan awk a si hrim hrim lo .

Cu hlei ah Jesuh nih Caesar muikengcu Caesar pek uh Pathian muikeng cu Pathian pek uh a ti bang Krih nih a krihfabu caah a kan kawhmi lairam Krihfabu hna nih Caesar muikeng a simi Ralhrang ralkap Phaisa cu zeitluk hman in kan si a fah zawngah kan cohlan hrim hrim awk a si lo. Catial tu: Anonymo,crd-the chin light.

Leave a Comment

Leave a Reply

Your email address will not be published. Required fields are marked *