Ka Dawtmi Falam Peng Pastor Pawl Hna,”Bawipa Rian Maw Nan Ttuan Chawva Rian Hme Nan Ttuan?

By-Tinduh Thang:Thisen Le Nunnak A Pe Mi Hna an thlarau nih a hei hmuh ve ttheu hna lai i,zeitluk khin dek an ngaih a heichiat lai,an thisen man le an nunnak a liam mi Chin miphun hna an mah cu an thi cang fawm cuteh,an chung le le an miphun,nan miphun hna hmai hi nan khah ko hmanh ah,Zeitinhme a rian nan ttuan mi,Jehovah Pathian hmai tal hi nan khah hna hnga aw!

Cathiang nih,”Minthat maw chaw an in ti hna ahcun,Minthat kha vai thim deuh uh a ti.Nan nih ca ahcun,Minthat maw chawva an in tihna ahcun,chawva tiah nan Bible ah ttial piak nan hau ko cang lai hih.Ram khelnak kong ah hin,a phunphun in leirawitu,Daalan ti m hi um an si.A cheu cu kan miphun hriam a tlai mi pawl an cawlcangh le an umtu ralhrang sinah a chim phuangtu an si i,hibantuk lawlaw hna kha cu mipi hna nhi dalaan tiah an heiti hna i hloh zong an fawi ngai.

Asinain,Pathian min kha a diklo ning n hman riangmang,cu hman ka ti mi cu,Pathian rianttuantu ka si titung i,a tubantuk in kan miphun nih kan doh cuahmah mi le kum tamtuk sal bantuk in a kan tuahtu hna thil peek mi awltuk in nan laak mi hi,cuhlan dalaannak in ttih a nung deuh mi nan si.

Nanmah pawl nih kan ram le miphun kan zuar ti hi nan itheih ko lai,nan duhnak nih an teituk hna caah nan thei na tein hi tihin miphun le ram cu nan zuarnak a si ko.Pastor pawl hna ziah mahbantuk in khua hi nan ruah i,hibantuk in thil hi nan tuah hna e,nan lakkhah maw nan izaat hna lo le hitluk tatai in chawva cu nan duh,hibantuk in nan har ah cun,ziah ralhrang pawl sinah bawmhnak laak theng haulo in,ramkip ah a um mi,

Chin miphun hna sinah thawng thanh hna ulaw,Pastor’s te nih nan bia cu kan nih miphun nih cun kan ngeihtuk mi a si i,nan duhnak tampi hmanh an in bawmh hna lai si. A donghnak ah,CNDF,CDF,CNA pawl an hman nan khah ko hna maw?Cun,Miphun le ram caah an nunnak le an thisen tiang a luang mi le a lo mi an thlarau hmai tal teh nan khah ko hna lai maw?

A hrut sih theilo bantuk in dah,nan or nih a duhtuknak lam cu nan zulh tthan ko rih lai?CNDF,nan mah rian a si,kan khelmi kong ah hin,na chungkhat le ka chungkhat ti um lo tein kan miphun le ram a thatnak ding a si ahcun,a vawikhatnak caah zeimawtal cun van tuah tuah hna ulaw, an zanmang ttha lo,khawchia rianttuannak nih a luh hnawh mi khrihfabu i an hruaitu hna hi i thang hnaselaw,Miphun le ram ah hin rak kir tthan hnaseh. Kailawm.