Ka Thianghlim Nak Ka Zuar Lai A Titu Sarah Nih Ai Let Than Nak A Lang Ter

Online social media Influencer nungak pakhat nih a virgin sinak cu Pound Ting khat (100,000) thokin lelan tin zuar aa timh caah amah he naihniammi chungkhat hna nih an soisel ngai ti si. Cu nungak nute cu Sarah Salsabila ti a si.Hi bantukin timhtuahnak a ngeih ruangah thah ding tiang in thihphaih a tong caah ahnuah mipi sin nawlnak a tuah than hi a si.

Sarah nih a virgin sinak ka zuar lai a ti ahhin social media a hmangtu hna thinlung ah cam ning law, i zuar ngaingai siloin hi bantukin ka ti ahcun ka minthang colh lai ti ka ruah caah hi bantukin ka chimmi a si tiah fianternak a tuah than ti si.Sarah Salsabila nih thawngthanhnak a tuah hmasa ahhin Pound tingkhat cung a ka pe khomi he zankhat chung ka ihpi lai tiah a phuan.

Sarah Salsabila cu biaknak lei extreme tak mi Indo chungkhar in a si i Sarah Keihl timi Instagram account hmangtu a si.Amah nih cun Indo phaisa IDR (2) billion nak tam a ka pe khotu an um ahcun cu mipa hi zankhat chung ka ihpi lai i ka nuamhpi lai tiah a chim. Cu phaisa cu Pound 110035 he aa tlukmi a si. Cu phaisa a hmuhmi in COVID-19 runvennak le mipi caah ka hmang lai tiah a chim rih.

Nain Indo rammi hna nih kan thah lai tiah an thihphaih ti si. Cu ti thihphaihnak a hung tam deuhdeuh caah atu bantukin nawlnak a tuah than hi a si. A ngaingai ti ahcun a rannak hi minthang a duh ca deuh ah a si kho. Cu hlan ah Instagram ah followers hi 23000 leng lawng an si nain i zuar ding thawngthanhnak a tuah hnuah ting 3 leng an phan colh ve ti si.

Sarah tuahsernak ah hlawhtlinnak a hmu lo nain local area media ahcun minchiatnak lei ah a lar ve. Cu kong he pehtlaih in amah nih cun “Keimah nih hi buainak chuahtertu ka tuahsernak ruangah phung ning tein kan nawl hna. Tuah lo ding ka tuah sual” tiah nawlnak a tuah hi asi.

Leave a Reply

Your email address will not be published. Required fields are marked *