Kahdohnak Ah SAC Ralkap 50 Leng An Thi

Bago Ramṭhen, Nyaunglebin Peng Ni 5 Chung Kahdohnak Ah SAC Ralkap 50 Leng An Thi, Bago ramṭhen, Nyaunglebin peng Pazunmyaung khua kahdohnak ah SAC ralkap tam ngai an thi i hliamhma pu mi zong an tam, tiah PDF ralkap pakhat nih Khit Thit Media ah a chim. September 27 zing suimilam 10:00 hrawngah SAC ralkap cu rallam an sial i palik, pyusawhti le meithat phu hna cu hmai ah an kalter hna. Cu lio ah cun kan kah hna i September 29 zan tiang kahdohnak a chuak.

Kahdohnak ah SAC ralkap 50 hrawng an thi i 20 hrawng hliamhma an pu. Military region zung nih kahdohnak kong an kan thanhter duh rih lo, tiah PDF ralkap pakhat nih a chim. SAC ralkap pawl cu Spring Warriors Column le PDF Battalion 3702 hna i bawm in an kah hna i PDF lei in ralkap 3 hliamhma an pu. Cycle pahnih, walkie talkie 1 an sung ve, tiah theih a si. SAC ralkap nih phungki pakhat le tualchung mi pahnih zong zohchia ngai in an thah hna i tualchung mi hna innlo zong an khangh.

October 1 zing suimilam 11:00 hrawng in zanlei 5:00 tiang kahdohnak a chuak ṭhan i SAC ralkap ruak pakhat le meithal zun khat PDF nih an laak. Vawlei cawhnak seh ngan pakhat zong an khangh, kahdohnak ah SAC ralkap 15 hrawng an thih pinah 10 hrawng hliamhma an pu, tiah Spring Warriors Column nih an thanh, crd- The Chin Post. Thawng dang relchap- Myanmar, Thailand le Tuluk Ramri Ah Online In Mi A Hlengtu 6000 Leng Tlaih An Si – Soe Win, Myanmar, Thailand le Tuluk ramri ah tukum.

2023 chung ah online in mi hlennak, tangka in lentecelhnak le rithaisii case in minung 6,000 leng kan tlaih cang hna, tiah 2023 October 1 Naypyidaw ah tuahmi a voi 59 nak palik ni ah SAC ralbawi zik Soe Win nih a chim. 2023 April 1 in June 16 tiang online in mi hlennak case 119 chung ah minung 76 le online in tangka lentecelhnak case 58 chung ah minung 134 dantatnak an pek hna, tiah theih a si. 2023 January 1 in August 31 tiang rithaisii case 4,380 chung ah minung 5,974, kyats 623 billion leng man rithaisii le rithaisii serchuahnak le chuannak ah hmanmi thilri hna zong kan tlaih, tiah Soe Win nih cun a chim.

2023 June 26 ah tuahmi a voi 36 nak vawleicung ramkip rithaisii hrawh ni ah SAC nih an tlaihmi rithaisii, chemical thilri le a dangdang thilri kyats 936 billion leng(dollar 446 million) man cu an rak hrawh kong SAC nih an thanh. 2007 kum in 2023 August thla tiang minung cawkzuarnak case 2,245 chung ah minung a cawkzuarnak a tuahtu 6,516 kan tlaih hna i dantatnak kan pek hna, tiah Soe Win nih cun a chimchap.