Kalay In Hakha Ah SAC Ralkap Motor 6 Phan, Sagaing Lei In Motor 16 A Kai Lio Fawn

June 11 zaan ah Kalay (Waibula lam) in Hakha ah SAC ralkap motor 6 a phan cang i atu June 12 chun ah Sagaing lei in SAC ralkap motor 16 a kai lio, tiah kan theih. Atulio Thantlang Peng le Hakha Peng kahdohnak ah bawmtu ding in a rak ra mi an si lai, tiah ruah an si ko. Sangaing lei in aa thawh mi hi 10:30 AM hrawng ah Pale an phan i Kalaymyo lei ah maw an lanh lai, asiloah Gangaw lei in direct Hakha dah an kai lai, ti a fiang lo.

June 11 zaan zong ah Kalay in Hakha ah motor 6 a phan cang,” tiah min langhter lo mi pakhat nih The Hakha Times ah a chim. Nizaan naite, Hakha Peng kahdohnak ah SAC ralkap 10 an thi i Thantlang Peng Khualhring tlang kahdohnak zong ah SAC ralkap 17 an thi, tiah CDF nih a thanh.crd- The Hakha Times

Ca dang rel chap: Demoso i Kahnak Ah PDF 1 Le Mi Bawmchantu 1 Nunnak A Liam, June 11 chun 2 in zanlei tiang Demoso ni chuahlei ah PDF le rallokap pawl i kahnak ah PDF pakhat a nunnak a liam pahnih hma an pu. Ralhrangbu pawl nih bawmchantu Ko Aye Shwe (Baptist Christian Association in voluteer a tuan mi) cu meithal meithal he an kah.

June 11 i kahnak ah ralhrangbu lei nih meithal ngan he voi tam an kah caah ralzaam hmun ah a um mi hna cu a rannak in thial an si. Khuachung inn hna kuan ngan nih a khen caah inn zong a rawk mi a um, ni fatin khua chungah meithal ngan in an kah tiah theih a si.

Zinglei ah ralzaam eidin a lami ralzaam 2 cu ralhrangbu nih an thah hna hnuah Demoso peng chung ralzaam umhmun hna meithal ngan he an kah peng. Lweikaw ah a um mi Miakpi ralkap zong nih miakpi he an rak kah tiah thei a si.crd- the chin post

Leave a Comment

Leave a Reply

Your email address will not be published. Required fields are marked *