Kalay-Laitlang Lamthluan Cung Kahdohnak ah Chin Ralkap nih Ralhrang Ralhriam Chaukhat an Lak

January 13 in aa thawkmi Kalay-Laitlang lamthluan cung kahdohnak ah CNA, PDF-Zoland, CDM-Siyin, PDA, CNDF nih SAC ralhrang meithal 4 le a dangdang ralhriam cheukhat an lak khawh hna. Nizaan January 15 ah SAC ralhrang nih vanlawng in an kah hna caah CNA Sergeant Pum Tuan Thang (Puia) a nunnak a liam. Kalay in SAC ralhrang pawl Laitlang lei an rak kai caah January 13 zinglei sml. 10:00 hrawng in kahdohnak aa thawk hi a si. Crd- The Chin Journal

Relchap rih: Kalay-Laitlang Lampi ah CNA, PDF-Zoland, CDM-Siyin, PDA, CNDF le SAC Ralhrang Karlak Kahdohnak a Fak. Kalay-Laitlang motor lampi Tedim peng chung ah CNA, PDF -Zoland, CDM-Siyin, PDA, CNDF le SAC ralhrang karlak ah kahdohnak pehzul in a um tiah PDF-Zoland nih nihin ah thawngpang an chuah. Kalay in SAC ralhrang pawl Laitlang lei an rak kai caah January 13 zinglei sml. 10:00 hrawng in kahdohnak aa thawk hi a si.

Mipi ralkap lei nih lamthluan tluang hmun kip in an kah hna caah SAC ralhrang lei a thimi le hliamhma a pumi an tam i, nihin January 15 ah ralhrang nih Fighter vanlawng pahnih hmang in Taingen hrawng ah mipi ralkap an kah hna. Cu lawng si loin Kalay University in SAC ralhrang pawl nih miakpi in Laitlang lei pehzul in an kah. Mipi ralkap lei in hliam a pumi minung 7 an um i, minung 4 an hliamhma a fak, tiah PDF-Zoland nih thawngpang an chuah. Crd- The Chin Journal

Rel chap: Tedim Peng Kahdohnak Ah Ralhrang Nih Raldohnak Vanlawng An Hman. Chin ramkulh, Kalay in Tedim phanh hlan ah ralhrang le mizapi ralkap ni 3 chung fak ngai in an i kap i January 15 ah ralhrang nih raldohnak vanlawng an hman tiah theih asi. Ralhrang nih Kalay University in hriamngan in an kap thliahmah i,

Vanlawng 2 in bomb an thlak tiah PDF-Zoland nih an langhter. Mizapi vengtu ralkap 7 hliam an tuar i minung 4 hi fak ngai in hliam an tuar, kahdohnak pehzulh in aum kho tiah theih asi. PDF Zoland, CDM-Siyin, PDA, CNDF, CNA, Zomi-PDF le Kalay-PDF nih ralhrang an kah duahmah hna hi asi. Crd- The Independent Post

Leave a Reply

Your email address will not be published.