Kalaymyo Le Hakha Karah Kahdohnak Ah Chin Ralkap 8 An Nunnak Liam; Minung 10 Hliam An Tuar, Kalaymyo in Hakha lei ah a rak kai mi SAC ralhrang le Chin ralkap tangti phu hna kahdoh nak chung ah Chin ralkap lei in minung 8 an nunnak a liam i minung 10 hliam an tuar tiah CNA chimphuannak nawl ngeitu Salai Htet Ni nih People Spring’s Media he biaruahnak ah a chim. Hi kahdohnak cu Chin ralkap tangti phu a si mi CNA, CDM SIYIN, CNDF, CDF-Hualngoram.
Hakha-CDF, Thantlang-CDF telh in Chin ralkap tangti phu 7 tluk nih an doh hna. Cuchung ah voi 30 tluk kahdoh nak tuah a si. “Kalay myo in an rak i thawh mi ralhrang thazaang 200 tluk an si, chung ah a hnu bik kahdohnak ah 40 tluk lawng an tang cang lai tiah kan ruah, hi chungah a thi mi lawng si lo in hliam tuar zong an i tel. Motor mawng cheu khat zong an zam hna, cu hna sin in thawngpang kan theih mi a si. 200 chungah a thi mi hi a cheu reng lo an si lai tiah chim khawh a si.
Lam kam um mi khua zong an khangh piak thluah mah hna, Chuncung khua zong an khangh pin ah Hakha lei in a rakdong mi hna zong nih Hakha khuathar lei inn zong an khangh rih, Falam in a tu an phak nak tiang ah inn 100 tluk an khangh cang” tiah a cunglei upa nih a chim. Atu bantuk in an motor kan kham khawh nak hi kan ralkap hna dih lak thawng le cun Drone team cung zong ah kaa lawm tuk, an thiamnak tha tein an hman khawh.
Mah pin ah ram leng in an kan bawmchan tu hna cung ah a bik in kan lung aa lawm tuk tiah Salai Htet Ni nih a chim. People Spring’s le CNA chimphuannak nawl ngeitu Salai Htet Ni April 16 Interview chung in char mi a si,crd- Lungmili Post. Thawng dang rel chap-South Korea Lemcangthiam Model Jung Chae-Yul Cu A Umnak Inn Khan Chung Ah Ruak In Hmuh A Si, K-drama le Series lei ah lemcangthiam milar a simi.
Jung Chae-yul cu a umnak inn khan chung ah ruak in hmuh asi. South Korean lemcangthiam le model rianṭuan mi kum 26 upa Jung Chae-yul cu Vaupi 11, zanlei sang ah a thihnak konglam hi an langhter i, a thihnak konglam hi tutiang in an theifiang kho rih lo. Jung Chae-yul hi Zombie Detective le ‘I Have Not Done My Best’ moive ruangah an ram nih anduh lo ning in a lar i hi movie hi biaknak konglam he a pehtlai mi si tiah theih asi.
Jung hi K-drama series ‘Wedding Impossible’ ah muilangh lemcan ding in timtuah a si i asinain, caan rau lo te ah a nunnak a liam hi a si. Lemcangthiam model Jung Chae-yul thihnak kong he pehtlaiin, a tutiang ah biadik theihfian awk a um rih loh tiah an langhter.crd- Lungmili Post.
Leave a Reply