Kan Chinmi Hna Cu Rakhine Ram Ah Har Nak An Tong

Kahdohnak Ruangah Paletwa Peng Sianghleirun Siangngakchia 200 Leng Rakhine Ram Ah An Taap, Chin ramkulh thlanglei Paletwa peng in a lang in sianghleirun a kaimi siangngakchia 200 leng cu SAC ralkap nih ti le tlang lam an kham caah Kyauktaw khuapi ah an taap, tiah theih a si. Paletwa peng mi pakhat nih cun, “Voi khat lioah a lang in sianghleirun a kaimi 100 hrawng cu tilawng in Paletwa lei kap ah an kal i SAC ralkap nih an kirter ṭhan hna.

An kirter mi hna hi voithum li a si cang. Tlun an rak duh tuk cang ko nain SAC ralkap nih lam an kham caah an tlung kho ti lo. Rakhine lei ah cun theihhngalh zong an ngeih hna lo leng ah riahnak le rawleinak zong an i harh ngaingai,” tiah a chim. Chin ramkulh in a lang in sianghleirun a kaimi hna hi Paletwa khuapi le Sami khuapi telh in khuate ah a ummi an si i Sittwe Sianghleirun ah camepuai a phi i November 19 ah Kyauktaw khuapi ah rak lan in, an khua lei cio ah tlung dingin an hngak lio, tiah theih a si.

Rakhine ramkulh telh in Paletwa, Kaladan tiva chaklei ah AA le SAC ralkap kar kahdohnak a zual ngai rih caah a lang in sianghleirun a kaimi hna cu zeitik ahdah an tlun khawh te lai ti a fiang lo. Thawng dang relchap- November 27 In Myanmar Ram Chung Dihlak Ah Kahdohnak Thawk Ṭhan Dingin Hriamtlai Phu Thum Nih An Thanh, Shan Ramkulh Chaklei Ah Rak Thawkmi Operation 1027 Thla Khat A Tlin Ni November 27 Ah Ram Pumpi Ah Kahdohnak(Nationwide Operation) Thawk Chap Ṭhan Dingin Chaklei Hriamtlai Ṭangṭi Unau Thum Nih Thanhnak An Tuah.

Nationwide Operation Hi Operation 1027 Kan Rak Thawk Ni Thla Khat A Tlin Camtuak Ah Thawk Ding A Si I Timhcia Tein Kan Um Cang,” Tiah Ṭangṭi Unau Thum Nih Cun An Langhter. Mizapi Hriamngan In A Kaptu SAC Ralkap Sakhan Laak Le Kahdohnak Ah Kannih Hriamtlai Ṭangṭi Phu Thum Zong Nih Kan Nunnak, Kan Thlanti Le Kan Zeizong Te Kan Pek Ve, Tiah An Langhter.Operation 1027 An Thawk In Ni 29 A Rauh Tiang Ah Chaklei Hriamtlai Ṭangṭi Phu Thum Nih.

SAC Ralkap An Hmunhma Biapi Mi Le Hriamngan An Chiahnak Hmun Hna Zong Faak Piin An Kah. Myanmar Ram Chung Dihlak Ah Operation Nganpi A Chuah Lawnglawng Ah Hramhram Uknak A Hram In Bongh Khawh A Si Lai. Cu Ruangah Nationwide Operation Ah I Tel Cio Ding In Chaklei Hriamtlai Ṭangṭi Phu Nih Cun Sawmnak An Tuah.

Hriamtlai Ṭangṭi Phu Thum Nih An I Tinhmi Cu Pakhat Hnu Pakhat In An Tlinh Cuahmah Leng Ah Kahdohnak Zong Din Lo Tein Hmailei Ah Kalpi An I Tim Rih. A Dang Hriamtlai Ṭangṭi Phu, PDF Le Organization Hna He Zong Ral An Dohṭi. MNDAA Le TNLA Nih Anmah Hmunram Ah A Ummi SAC Ralkap Sakhan Zeimawzat Zong An Laak Cang. MNDAA Nih Laukkai Khuapi A Dihlak La Dingin Kahdohnak An Tuah Cuahmah I An Laak Khawh Dih Deng Cang, Tiah Theih A Si.

Leave a Comment

Leave a Reply

Your email address will not be published. Required fields are marked *