August 22 ni ah US khuasami kan Lai tleirawl nute ti ah a tla sualmi ruak cu nihin ah an hmuh cang. Kan fanu Rebecca Van Sui Par (kum 11) ruak cu August 24, 4:30 Pm ah an hmuh cang i a tu hi Siizung ah nawlngei tu nih an chiah lio tiah theih a si.
Anmah chung hi Lutuv Chin Christian Church (LCCC, Kansas, USA) Khrihfabuu chungtel a simi Hnaring khuami Rev. Hmang Kaw fapa Pu Bawi Tin le Pi Sui Ci hna i an fale pathum lakah a pahnihnak a si.
A kan dinh tak ning cu, August 22 ni, chun hnuah khan an chungkhar dihlak le hawi dang hna he Kansas Tiva ah an kal hna i, ngakchia pawl cu tiva kam te ah bawlung he lente an i celh hna i an bawlung an dawi nak ah ti ah a tlak sual hi a si.
Pawngkam um tlangval nih an zuan hnawh nain chanh kho loin tiva ah a kan liam tak hi a si. Cu tik ah 911 an auh colh i tuanvo ngeitu palik le fire department nih cu ni zanlei suimilam 4:00pm hrawng in kawl hram an thawk nain nihin August 24, zanlei suimilam 4:30pm ah an hmuh hi a si.
Ngaihchiat hrawmpitu hna le thlacamnak in bawmtu nan dihlak cungah lunglawmhnak tampi kan ngei pinah hi ca in ramchung ramleng chungkhat hna ngaihchiat hrawmpinak kan van langhter. Tangtakmi chungkhar Pathian tu nih hnem hram hna seh.
Leave a Reply