Tutan kan farnu Sui Hlei Tial ruak Thantlang luhpi khamnak kong cu a buai tuk cang. Mi ramdang Malaysia ram hmanh in Covid zawtnak a ngei lo timi siibawi theihpinak ca he an rak tlunpi i, vanlawng chung siseh, Yangon in Thantlang tiang zeihmanh buaibainak um loin an rak ra pi kho nain a thangliannak khua chungah lutpi lo ding tiah nawlngeitu hna nih an kham tikah vawlei cung laimi vialte nih lungfahpi cio a si.
The Hakha post nih kan farnu Sui Hlei Tial hrintu nu u interview an tuahnak ah a chimmi cu, Thantlang khua chung luhpi loin lam pawng ah an kan phum, a vui hmanh vui loin an kan phum tiah a chim i thinlung a fah khun.
Nain nizan ah nawlngeitu hna le fahtuar chungkhar lei in nulepa hna tawnnak an ngei i a ruak cu tha tein thlanhmun ah an thial kho cang timi cu aho paoh nih theih a si cang i tlawmpal thinlung a hung tha deuh than.
Nain Thantlang khuapi uknak lei nawlngeitu hna nih tutan kan farnu Sui Hlei Tial ruak kongah an kan tuahto ning nih nihin tiang mipi lung a damter kho rih lo i ruah deuhdeuh ah lung a fahter khun. Cucaah Chin mino cheukhat nih an facebook cahmai in an duhlonak an langhter cang tiah the Hakha Post ning in theih a si.
The Hakha Post nih Hmanthlak thawng tiah tlangtar in tialmi cu; Mai Sui Hlei Tial ruak kongkau ah Chin mino hna nih facebook cahmai cung in duh lonak le lungtlin lonak langhter” tiah a tial. Duhlonak catar an puhmi pawl cu;
1. Thlaan hmun a si lonak hmun ah a ruak phuum a fialtu rian ngei hna cu fak piin dan kan tatpiak hna uh.
2. Thantlang COVID-19 Main Committee a thar in kan serpiak than hna uh.
3. Khuami hna i kan duhnak hi rak kan upatpiak uh.
4. Chinmi kan phung le lam ning in ruak i vui hi rak kan upatpiak uh.
Hi hi The Hakha Post nih an hmanthlak he a tarlangh hi a si. Hi duhlonak langhtermi nih nawlngeitu hna cungah zeitluk in hmual angei te lai timi cuanh rih ko hna uh sih.
Ref: The Hakha Post
Leave a Reply