Kan Hawi MP/CM Hna Cu Mah Hi An Si Ko

Hawi MP/CM hna cu, aai ka tar cang ti loin meithal an tlai,hmailei caan ruah in hmunhma kawlcia tiphun in khur/kua an virh chung ve lo.Kannih Chin state MP /CM zammi hna ta tuhi khoika ah nan um dih hna.CDF le CNA/F talah training kai nan um ve maw?meithal nan tlaih huam lo hmanhah training tal cu kai uh.

MP tling zammi hna,training kai in hriam nan tlaih huam lo hmanhah online tal in ralhrang dotu hna thazaang tal rak pe hna hen u, phelep meipaih bang nan daidep e.Kanram hei tthat te tikah, zeitin dah mipi na leem , vote na kawl ti hnga.

Vai/kala pe khimte nan eimi khan mipi na leem,vote na kawl khawhnak lai maw? Rulchumh le herhhai ttuan duh lo i cabuaicung rawlhun cia ei lawng aa timmi MP si aa tim rihmi kan in chinchiah cang hna hih. Crd- William HC

Rel chap ding: August 28, Ayeyarwaddy Ramthen Chief Minister hlun (2015-2018) Mahn Johnny cu SAC ralkap le an kuttang BGF pawl nih Kayin Ramkulh ah kahdohnak a hung tam hnu ah Tlangcung hriamtlai pawl sin in hriamtling he a hung lang.

Kum 70 tluk a si cang mi Mahn Johnny cu ralkap thuamtling he meithal aa tlaih i August 28 ah a hung langh hi a si.Mahn Johnny cu NLD party an dirhka in a rak cawlcang mi a si.1990 kum thimnak ah Pyithu Hluttaw Palai, 2012 kum Caankarlak thimnak ah Pyithu Hluttaw Palai, 2015 kum thimnak ah Hluttaw Palai tiin ramkheel rian a tuan mi a si.

2015 in 2018 January 8 tiang Ayeyarwaddy Ramthen Chief Minister a tuan i ngandamlonak ruang ah CM in aa din i Hluttaw Palai in a um. 2020 kum thimnak zong ah Amyotha Hluttaw Palai ah thim a si than, tiah Tachileik News Agency nih a langhter.crd- the hakha times

Leave a Comment

Leave a Reply

Your email address will not be published. Required fields are marked *