Kan Lainu Thet Mon Myint Pasal Maung Maung Aye Soisel A Tong Ngai

Mintami Thet Mon Myint pasal U Maung Maung Aye cu a zuk suaimi ruangah soisel a tong. Zuk dang suai ding a um lo ruangah maw hi bantuk zuk hi na suai tiah soisel a tong.

U Maung Maung Aye nih a suaimi zuk cu Shwedagon Pura pi mei nih an kangh i a rawkmi pungsan a suai hi a si. Cu zuk kong he pehtlaih in U Myint Khaing credit pek in Burma Channel nih a tanglei bantukin a tarlangh hi a si.

Shwedagon Pura meikangh hrawkmi zuk suai i Challenge na tuahmi cu zuk dang suai ding a um lo maw? Zuk dang na suai ah teh na zeidah a cang lai” tiah soisel a tong hi a si.

U Maung Maung Aye nih a zuk suaimi kong he pehtlaih in a tial chihmi cu, “Anuhpinnyia kut zung tarlangh ding in Min Zin Than nih a ka singkhaw mi ka cohlan. Ka tarmi vialte cu keimah pumpak ka suaimi lawng te an si dih lai i phising ding ka ngei lo, tuaktan ding zong ka ngei lo. Nikhatkhat cu ka hawile ka singkhaw venak ah an si te lai” tiah a tial chih ti si.

U Maung Maung Aye nih hin, Shwedagon pura mei kangh in a rawkmi zuk a tarmi kong he pehtlaih in fianternak sau nawn a tar chihmi hmuh a si ko. Nain a soiseltu lei nih cun fianternak a tuahmi an theih piak kho lo i zuk dang suai ding na ngei lo maw? Zuk dang na suai ah teh a buai hme maw tiah an soisel hi a si.

Pura cu Kawl pawl nih an pathian bantukin an hmuh i an biakmi a si ve tikah hi bantukin an pathian mei kangh lio vun suai ah cun an thinhung phu zong a si ve. U Maung Maung Aye nih a duhnak sau nawn a langhter nain soiseltu lei nih tu bantukin an soisel hi a si.

Ref: Burma Channel

Leave a Comment

Leave a Reply

Your email address will not be published. Required fields are marked *