Ram a ngeimi miphun tling pakhat kan si caah lentecelh lei zong kan thancho ngai a hau. Abik in kan miphun nih phundang deuh in kan ngeihmi ‘paih’ hi Chin state level ah kan hlorh a herh.
A si khawh ahcun ‘paih’ hi Chin traditional sport caah cozah nih a cohlan nak hnga cawlcangh a herh, a cohlan awk zong a si. Paih hi hawikom i sernak a si i Chinmi a kan funtom kho bikmi hriamnam a si te lai ka zumh.
Keimah pumpak phaisa ting za thum leng dih in Hakha ah paih cawnnak le paih zuamnak zong ka tuahpi tawn hna. Khuate zong ah ka tuahpi hna. Nain, cozah lei tanpinak thazaang a der ngai tawn. Kan thazaang a bat caan a tampi.
MP ka tlin ahcun Myone kip pathawng vialte sawm in kum khat voikhat tal cozah nih ropui ngai in paih zuamnak tuah ding Chin cozah ka forh hna lai. An lungtling lai ka zumh. Crd- Salai Lungthli Tum.
Leave a Reply