Nihin (May 24) ah Daw Aung San Suh Kyi, President U Win Myint le Naypyidaw Mayor Dr. Myo Aung biaceih zung ah an chuahpi hna lio a si.crd-The Chin Journal.
Rel rih: Nihin May 24, Daw Aung San Suu Kyi, President U Win Myint le Dr. Myo Aung Biaceih Zung an chuahpi hna lio MRTV (8:00 pm) ah an langhter.Crd- hakha times
Thawng pang rel chap: Congo ah meitlang a puak tlangkangh ruangah mi tampi an zaam, Central Africa ah a um mi Democratic Republic of Congo, Goma khua pawng Mount Nyiragongo meitlang a puak i minung thong renglo cu himnak kawl in an zaam tiah theih a si.
Cacawn niruk zaanah Nyiragongo tlang kang nih mi sing 20 hrawng khuasak nak Goma khuachung cu meikhu nih a thuam dih. Mah tlang hi Goma khua in Km.20 hrawng a hlat mi a si. Nizan tiang ah Goma khuaah khua a sami tampi cu an thil puan he Rwanda ram lei ah an zaam.
Rwanda cozah nawlngeitu hna nih Mi 8000 hrawng cu ramri tan in an ramah an rak lut cang tiah an chim. UNICEF nih a chim ningah Goma khua mipi thinphang in a zaam mi ruangah hngakchia 150 hrawng an chungkhar he an i thlau i 170 hrawng an tlau tiah a ti.
Tlangkangh ruangah hmun tampi ah elektrik mei an um lo, Goma le Beni khuapi kalnak lampi zong leisa taktak nih a rak chilh dih, hmun cheukhat ahcun lihninh zong a um tiah an ti.
Tlangkangh nak pawng a um mi Virung National Park rian ngeitu hna nihcun kum 2002 ah tlangkangh ning he a lo ngai caah a pawngkam ah a ummi hna cu i thial zok zok ding in an chimh hna. 2002 kum ah Congo tlangkangh ruangah mi 250 an thi, mi 129000 hrawng nih inn le lo ngei lo in an um phah tiah theih a si. Crd- the chin post
Leave a Reply