Kan Unau Tedim Pa Cu Ning Cangte In Um Kal Nak Nawl A Ngei Cang

Myanmar ram ah COVID-19 zawtnak a ngei a hmasa bik mi Kum 36 asi mi kan unau Tedim pa cu US in a rak tlung hnu ah covid-19 zawtnak a ngei i March thla 23 nii ah khan kawl ram pi thei in thawng thanhnak an rak tuah. Mah hnu ah Tedim siizungah an zoh khenh i Negative voihnih a si hnu ah April 30 nii khan.

Kan unau Tedim pa siizung in dam te in a chuah i siizung a chuah hnu ah Hopital Quarantie ni 14 chung a lut rih ding asi i Hopital Quarantie lutnak ding hmuhma zong harnak a rak tong tiah thei asi. May 13 nii in Quarantie a lut mi cu a dih cang caah may 14 tu nii in cun ning caan tein um kal kho a ngah ve cang tiah Chin ramkulh Social Minister Pu Pau Lun Min Thang nih a chim.

Kan Chin ramkulh covid-19 zawtnak a ngei mi hna hi minung 6 an si hna i minung 2 cu damnak an hmu cang. Covid-19 zawtnak in damnak a um mi hna cu Hakha in nu 1 le Tedim in pa khat hna an si. A dang minung 4 hna cu Tedim siizung ah an zoh khenh lio hna an si i an ngan damnak zong an tha tiah thei asi laknak Cele Yawkawt.

Leave a Reply

Your email address will not be published. Required fields are marked *