Kanpi Suu Kyi Birthday A Tuah Mi Mipi Hna Cu Ralhrang Nih Hriamngan In An Kah Hna Caah Civil Mi 3 Nih

Nihin June 19 chun Sml 12 hrawng ah Kachin Ramkulh, Phakanh peng Hmawbung khua ah tualchung mipi nih Aung San Suu Kyi a chuahcam lawmhnak le SAC uk duhlo langhternak an tuah lio ah SAC ralkap nih hriamngan in an kah hna i, civil mi 3 hliam an tuar, tiah theih a si. Civil mi kah an tonak hmun cu Lungkhin khuakomh, Hmawbung khua ah a si i hriamngan lung 3 a puak, tiah theih a si.

Hramngan kah ruang i hliam a tuar mi minung 3 lakah kum 54 minu cu faak ngai in hliam a tuar caah Phakanh siizung ah an thlop, tiah theih a si. Phakanh ah hin SAC uk duhlonak an langhter peng pinah, nihin ah hmunkip in Suu Kyi chuah ni camtuak lawmhnak an tuah i SAC ralkap uknak a tlaak khawh nakhnga Phakanh mipi hna nih cun duhlonak langhter chin lengmang ding in sawmnak an tuah.crd- the chin post

Thawng dang: Hramhram in uknak lak a si hnu ah inn le lo a zaamtakmi 1.2 million an um, vawlei pumpi ah inn le lo a zaamtakmi cazin 100 million a lonh. The Chinland Post | 2022 June 18 – Myanmar ram telh in vawlei pumpi buainak, hramhram thiltuahnak, dantatnak le nuhrin covo buarnak hna ruangah inn le lo a zaamtak mi hi kum 10 peh in an karh i cazin an lak thok in 2021 kum hi a sang bik a phanh si tiah United Nation High Commission for Refugees (UNHCR) nih report thar a chuah.

2021 cazin ning ahcun inn le lo a zaamtakmi 89 million an um. Ukraine raltuknak a chuah hlan deuh ah cazin a karh tuk i a hlan kum nak in a kai deuh bantuk in kum caan saupi hnu ah a tubantuk dirhmun phak áš­han hi a si” tiah Commisioner of United Nation High Commissioner for Refugees Filippo Grandi nih a chim. Myanmar ram ah a luancia February thla in SAC nih hramhram in uknak a lak hnu ah inn le lo a zaamtakmi hi 1.2 million an si lai tiah ruahdamh a si.

Buainak a phichuah khawhnak hnga ramdang phu nih a bawmh lo a si ahcun a tubantuk dirhmun saupi ton a si rih lai tiah a chim fawn. Tukum thok i Ukraine kahdohnak ruangah a zaammi telh in vawlei pumpi ah inn le lo a zaamtakmi cazin 100 million a lonh cang tiah UNHCR nih a langhter. A luancia kum bak in vawlei punpi ah inn le lo a zaamtak zaamtakmi cazin a karh tiah a langhter.

Leave a Reply

Your email address will not be published.