Kaphnih Kar Kah Dohnak Ah Ralhrang 30 Leng An Thi

Taungoo, SAC Ralhrang Rallam Ralthuam Chia Dingin Mipi Ralkap Nih Nawl An Pek Hna, An Duh Lo Caah Kahdohnak A Chuak Ralhrang 30 Renglo An Thi, 10 An Tlaih Hna, Pago ramṭhen, Taungoo peng ah SAC ralhrang rallam cu ralthuam chia dingin nawl anpek hna nain an chiah duh lo caah kahdohnak a chuak, ralhrang 10 an tlaih hna, tiah Taungoo pengkomh mipi ralkap Pah Kah Phah nih January 11, ah an langhter.

January 10, zaanlei suimilam 1:30 tluk khan Kyauktaing peng ṭhen, Kayahpyonechaung khua pawngah a rak phanmi SAC ralhrang hna cu an kulh hna i ralthuam chia dingin nawl anpek hna tiah an langhter. “SAC ralhrang thazaang 40 tluk cu mipi ralkap phufonh nih kulh in ralthuam chia dingah nawl anpek hna nain an chiah duh lo caah kaphninh karlak kahdohnak a chuak” tiah Taungoo pengkomh Pah Kah Phah nih an chim.

Kahdohnak ah SAC ralhrang 30 renglo an thi, 10 an tlaih hna, ralthuam zeimawzat an laak, tiah theih a si. Kahdohnak ah aa telmi mipi ralkap phufonh hna cu Taungoo pengkomh Pah Kah Phah battalion 3501, ṭetkhuai 3 le ṭangṭi phufonh dang hna ansi tiah an langhter. Thawng dang rel chap- Hakha Baptist Church Tualleng Sianginn A Kaang I Phalh Manh Loin A Ciam Dih, Chinram, khualipi Hakha um lung Biakinn tiin hngalhmi Hakha Baptist Church(HBC) tualleng sianginn cu a kang i a ciam dih, tiah theih a si.

Nihin January 12 zinglei suimilam 5:30 hrawngah HBC tualleng sianginn cu kangh hram aa thawk i suimilam 6:00 hrawng ahcun a ciam dih cang. Meithat phu hna cu a tlawm bik motor pali in an kal i inn a ciam dih lai lawng ah inn a kanghnak hmun an phan, tiah tualchung mi pakhat nih The Chin Post ah a chim. Tualleng sianginn kangh hram aa thawk hi inn cung dot in a si. Inntang dot ahhin tualleng sianginn a hngaktu an um i a kangh le cangka sianginn hngaktu hna an thilri cu pawngkam ummi hna nih zeimawzat thiar an bawmh manh hna.

A biapi mi catlap, tangka, TV le thilsuknak seh ti bantuk lawng an chuah manh, tiah a chim chap. HBC tualleng sianginn hi dot hnih a si i thinginn a si. A ṭhing pahmi a si cang i a kangh ning zong a rang ngaingai. Zing suimilam 5:00 hnu in kangh hram aa thawk i meheh pi farual an umnak inn cu bauh manh ti loin mei nih a ciamhpi dih hna, tiah a dang tualchung mi pakhat nih a chim.

Tualleng sianginn a kangh ning hi fiang inn hngalh a si lo nain inn cung dot in mei aa thawk caah electric mei a si ṭheo lai tiin pawngkam a ummi hna nih an zumh. HBC tualleng sianginn ah ca a cawngmi ngakchia tete hi a ra laimi February thla ah a graduate ding an si cang hna, tiah theih a si. HBC tualleng sianginn cu HBC compound chung ah a ummi a si i B.E.H.S No. 3 sianginn he naihniam tein an um i ti varek pakhat nih a dan hna.

Leave a Comment

Leave a Reply

Your email address will not be published. Required fields are marked *