Karenni ramkulh ah PDF nih SAC ralkap Jet Fighter pakhat an thlak i Fighter he aa pehtlai mi thilri zong an laak, tiah NUG runvennak zung nih phungning tein an thanh. PDF Central Command, Naypyidaw Military Department Battalion nih SAC ralkap Jet Figher he aa pehtlai mi Parachute tuah khat, nun khamhnak thilri pakhat, pehtlaihnak seh ngan pakhat, walkie talkie pakhat, pilot ṭhutdan pakhat, oxygen seh tuah khat, luchin pakhat le sii-ai an laak.
November 11 ah PDF nih SAC ralkap Jet Fighter an thlakmi a khaltu pilot pahnih cu an luat i PDF le SAC ralkap nih an kawl cuahmah hna, tiah Khit Thit Media nih a ṭial. SAC chimphuannak nawlngeitu Zaw Min Htun nih cun, “Jet Fighter pakhat cu Kaya ramkulh ah raltuk cawnnak a tuah i a zuan lioah seh thilri tlamtlin lo ruangah a tla. Pilot pahnih zong an nun a him i kan pehtlaih khawh hna tiin a chim, tiah Khit Thit Media nih cun a langhter.crd- The Chin Post.
Thawng dang: MNDAA Nih SAC Ralkap Sakhan 136 An Laak Cang, Shan ramkulh chaklei, Lasho khua SAC ralkap headquarters cu MNDAA nih hriamngan in an kah i Shiyun khua pawng ralkap sakhan 4 zong an laak khawh, a dihlak ah SAC ralkap sakhan 136 an laak khawh cang, tiah MNDAA thawnglatu The Kokang nih an thanh. Nihin November 11, zinglei suimilam 8:10 hrawng ah Shiyun khua pawng SAC ralkap sakhan 4 cu Kokang MNDAA nih an laak i,
SAC ralkap 2 an tlaih hna pinah hriamnam zeimawzat zong an laak. Nihin zing suimilam 2:23 le 2:58 tiang Lasho No.2 palik sakhan le nichuah chaklei headquarters, 41 Biuha sakhan hna cu MNDAA nih hriamngan in an kah, tiah theih a si. November 10 ah Kokang pengkomh Honshin hmunram Chonkan khuakomh, Shishan hmunram Manlaw khuakomh le Tashwethan khuakomh,Tonshan hmunram Htitephin khuakomh, Thanlwin tiva thlanglei hna ah kaphnih kar kahdohnak a chuak i zanlei suimilam 5:00 hrawng ah Chinkan khuakomh,
Maihon thlanglei SAC ralkap sakhan cu MNDAA le tualchung hriamtlai phu hna nih an kah i an laak, tiah theih a si. Htitephin khuakomh, Tarton sakhan le Hayhok Biuha sakhan cu MNDAA nih an laak khawh i Tonshan hmunram Laukchonbu hmunhma zong an laak khawh. Cu pin ah Kokang pengkomh Tasihkanpa hmunhma ah SAC ralkap pakhat an tlaih i M-16 meithal 1, kuanbawm 1 le kuangfang 25 an laakpiak khawh, tiah theih a si.
Leave a Reply