Nai ah Thantlang peng No 2, Pyine Hluttaw in palai aa cuh dingmi Salai Lungthli Tum nih “CNLD phu nih cozah kan ser lai tiah lih an chim ngam khi zumh an tlak lonak aruang pakhat a si” tiah a facebook timeline in CNLD a zumh bak lonak a post.
Cu kong he pehtlaih in Salai Pa Thawng nih a tanglei bantuk CNLD nih cozah an ser khawh lainak kong fiang tein comment a tial. Cu comment cu mipi zong nih theih phu a si ti ka ruah caah a tanglei bantukin ka van tarpiak chin hna.
Salai Pa Thawng Comment: Kawi, CNLD nih Cozah ser khawhnak lam a um. Cucu mipi nih vote hna sehlaw Cozah an ser kho lai. Kan Chin party hmanh kan ttanh duhlo kan vote duhlo ahcun cozah cu ser kho lai lo. NLD le USDP hmanh mi nan/kan vote cio lo ahcun Cozah a ser thiam lai lo cu.
Rawlei sawm i kan suahpiak lo ahcun na ei kho lo ti he aa lo. Mee kan pek lo ahcun cozah na ser kho lai lo ti khi si kaw mee kan pek ahcun na ser kho ko e ti theih a hau ve.
Kawi Chin Party ah Chinmi funtom caan a cu cang e tiin Mipi nih nan vote hna ahcun tlawm bik seat 13 an ngah ahcun Cozah an ser kho ko e. Nain anmah lawng santlailo caah Chinmi dihlak nih kan dirkamh in kan bawmh hna lai e tiin rak aupi deuh hna law ti khi na hawikom dirhmun in kan cah ve.
Chinmi kan pale si hna seh Mino si hna seh kan nauta ti lo i fimthiamnak zongin kan za ngai cang. Kan miphun te hi Pathian pekmi a kan pekmi si i a humhal le humzultu cu Chinmi kan si a hau ti khin Kawi nangmah Nationalism lungput a ngeimi nih chim kho law ti hi kan duhpi Kawi.
Note: Hi kan comment hi ruahning le hmuhning aa dan caah si. Doh si lo. Bia chiakha zong si lo. (Salai Pa Thawng)
Leave a Reply