Kawl Cozah Nih India Ram I Harnak A Tongmi Minung 90 A Khamh Hna

India ram ah harnak a tongmi Kawlram mi minung 90 hna cu Kawlram cozah nih vanlawng in a lak hna tiah theih a si. DVB nih a tarlangh.

International airline pawl phit dih a si caah India ram ah tang in harnak a tongmi Kawlrammi minung 90 hna cu Myanmar National Airline (MNA) vanlawng in August 29 ni ah an va lak hi a si August 29, zanlei suimilam 6 pm hrawng ah Yangon International Airport ah an phanpi tiah ramdang vuanci zung nih an phuan.

India ram ah va lak mi minung 90 hna cu an ngandamnak chek an si lai i ni 21 chung an umkalnak rihkhiah piak in Quarantine chiah an si lai ti a si. India ram ah harnak tong in a tangmi Kawlrammi an va lak hi a voi 5 nak a si cang tiah theih a si.

Hi pawl hi passport he phung ning tein a kalmi si dawh an si. Thlanglei India ram ah sianginn a kaimi kanmah Laimi cheukhat zeimaw zat cu passport ngei le phung ning loin a kalmi an si caah harnak a tongmi an um ve.

Kan hnulei July thla lio ah Rev. Peter Ngun Za Cung nih “Lai Bible Student minung 14, Mizoram Cozah ah permission lak loin, Bangalore in Vanlawng in Aizawl ah an lut i, thong ah an thlak hna. Minung 2 Covid-19 Positive an ngei. Mizoram Cozah ah luhnak permission lak hmasa loin an mah Mizoram mi zong luhnak nawl an ngei loh tiah 28.7.2020 lio ah a rak tial bal.

Ref: DVB; Rev. Peter Ngun Za Cung

Leave a Comment

Leave a Reply

Your email address will not be published. Required fields are marked *