Kawl Ralhrang Minung 100 Cu AA Ralkap Sinah Zam In Dornak Hmunhma An Khuar

Rakhine ralkap AA ralkap sinah kawl ralhrang minung 100 cu zam in dornak an tuah tiah June 14 ah AA biachimnak nawl ngeitu Khine Thukah Nih a phuan. Hi ralhrang a zammi hna hi kan sikhawh tawk zohkhenh le bawmhchanh kan i zuam hna tiah a chimchap. Cun ralhrang a zammi hna milu zat taktak chimphuan dingin timhtuah nak kan ngeilo tiah achim chihfawn. Crd- CCN

Thawng dang: Biakinn, Sizung le Sianginn hna upatnak pekpiak ding in CBCM nih nawlnak a tuah, 2022 June 14 – A thianghlim tukmi Biakinn pawl, sizung le sianginn hna ṭha tein upatnak pekpiak ding in Catholic Bishops’ Conference Myanmar (CBCM) nih June 11 ah nawlnak cathanh a chuah. CBCM nih a tulio Myanmar ram ah a cangmi buainak cungah kan ngaih a chia tuk i minung a thong leng nih inn le lo an kaltak i million tampi minung mangṭam an tuar tiah a langhter.

Miphun kip sin ah a chuakmi buainak ruangah sualnak ngei lo mipi, ramchung ah a rak ṭhialmi, tar, upa, hngakchia, pum tlamtling lo, nu pawl le a ngandam lomi hna nunnak le an umnak caan kan lungre a thei ko tiah an thanh. Cun minung nunnak man ngeihter ding le, ralzaam hna, ramchung ah aa rak ṭhialmi hna nih an herhmi bawmhnak thilri kuat khawhnak hnga caah rianngeitu hna nih tawlrelpiak ding in nawlnak an telh chih fawn.

Minung kan limhang le kan nun khawhnak covo hi zeihmanh he thlen khawh a si lo” tiah CBCM nih a chim. CBCM nih zatlang nunnak he pehtlai in Catholic pawl kan zulhmi lam ning tein vawlei pumpi ah a ummi Catholic bu ngan pawl lawng si loin bawmh a herhmi poah kapṭanh ngei lo tein bawmh an si lai tiah an ṭial.

A luancia zarh chungah, Chin ramkulh, Thantlang khua ah kum 60 leng a si cangmi Thantlang Baptist Church (TBC) cu SAC nih an khangh bantuk in Pharuso peng ah a ummi Htipaw Baptist Church le biaknak lei inn pawl zong SAC nih a khangh tiah theih a si.

Leave a Reply

Your email address will not be published.