August 25, 2020: Sagaing ramthen, Ayataw myone, Lehpatan khua, Mu tiva ahhin aa phundang ngaimi saram pakhat an hmuh pah tawn tiah khuami hna sin in theih a si.
Cu saram cu a hmailei ke a tawi i a hnulei ke a sau bantukin a keng ah hling bantukin a um tiah khuami nih an chim. A tanglei ah a hmanthlak pawl fiang deuh tein zoh chih khawh a si.
“Cu saram a tli ahhin minung bantukin a dir i a tli. Atu le tu ti awk in kan hmuh. Phaye lo (Water-melon firm) chung a lut i an hnah no a ei tawn” tiah Lehpatan khuami U Nyunt Htun nih O Media ah a chim.
Tu kum Tacian hlan deuh ah cu saram phun he aa lomi ruhro pakhat cu Mu tiva kam ah an hmuh i a keng ah a hling 8 nak tam, a hnak ruh i khatlei 25 veve an um i a hnak ruh hi dong hnih leng an sau ti si.
Cu saram a lu ruh belte cu a um lo i a tlau tiah khuami sin in theih a si. Cu saram ruh ro cu Madalay ramthen, Phungki sianginn pakhat ah an kuat tiah theih a si.
“Atu tiangah zei saram ruh ro dah a si timi theih fiang a si rih lo. Zeidah a si timi an chim kho rih lo. Dynosaure a si men lai. A ke sit pathum a um. A hmailei kut sit pahnih a um. A lu le a ke zapei le a vun a um ti lo. A keng ah a zummi pipi an um” tiah cu ruh ro Phungki sianginn ah kuattu Nyaungpinshi khuami U Thaung Myint nih O Media ah a chim.
Khuami nih cun an le riantuannak ah caw le naa hmang in riantuanmi an si caah tutan an hmuhmi ruh ro cu caw le naa ruh ro an si lo tiah an chim.
Ref: Myaelat Tharlay
Leave a Reply